பாராளுமன்ற உறுப்பினர் எம். திலகராஜா தீபாவளி வாழ்த்துச் செய்தி
அவர் மேலும் தமது செய்தியில்,
இருள் அகன்று இன்னொளி பரவி இல்லங்கள் தோறும் மகிழ்ச்சி பொங்க வேண்டும் என்பதற்காகவே தீபாவளிப் பண்டிகையை எமது முன்னோர்கள் கொண்டாடி மகிழ்ந்தார்கள். ஒளி வெள்ளம் பாயா விட்டால் மக்கள் இருள் வெள்ளத்தில் மூழ்கி விடுவார்கள். அதேபோல், எமது மத்தியில் உள்ள அறியாமை இருள் நீங்கி அறிவுச் சுடர் பிரகாசிக்கும் போதுதான் வாழ்க்கையில் உண்மையான அன்பும் மகழ்ச்சியும் ஏற்படுகின்றது.
நாம் அனைவரும் சமூக அக்கறையோடு எமது மத்தியில் காணப்படும் குறைகளைக் களையவும், கொள்கையில் சிறக்கவும், ஒற்றுமையை பேணிப் பாதுகாக்கவும், உள்ளத்தில் உண்மை ஒளி தோன்றவும், வாக்கினிலே இனிமை உண்டாகவும் திடசங்கற்பம் கொள்ள வேண்டும்.
அடுத்தவர் சொல்கின்ற விடயங்களை எல்லாம் கண்மூடித்தனமாக ஏற்றுக் கொள்ளாமல், சோக்ரட்டீஸ் சொன்னதைப் போன்று ஏன், எதற்காக, எப்படி என்று அறிவுப் பூர்வமாக சிந்தித்துப் பார்க்க வேண்டும். அந்த சிந்தனை ஒன்றுதான் மலையகத்தின் எதிர்காலத்துக்கு ஏற்றம் தரக் கூடிய ஒன்றாக அமையும். எதிர்த்து கேள்வி கேட்கும் துணிவிருந்தால் யாரிடமும் ஏமாற வேண்டிய அவசியம் இருக்காது. மலையக சமூகம் மீண்டும் மீண்டும் ஏமாந்து விடாமல் உறுதியான பாதையில் பயணிக்கவும்,எமக்குத் தேவையான தலைமையைத் தேர்ந்தெடுக்கவும் ஜனாதிபதித் தேர்தலில் வாக்களிக்க நாம் தயாராக இருக்க வேண்டும் எனவும் குறிப்பிட்டுள்ளார்.
.jpg)
