அமெரிக்காவின் இரண்டாவது தலைவரான ஜோன் கெர்ரி இலங்கைக்கு வந்து ஜனாதிபதியின் முதுகில் தட்டி சிறந்த நல்லாட்சி என்று கூறிவிட்டு சென்றாரே தவிர ஐந்து சதமேனும் கடனுதவி வழங்கவில்லை என்று பாராளுமன்ற உறுப்பினர் உதய கம்மன்பில தெரிவித்துள்ளார்.
அதேபோல் இந்தியப் பிரதமர் வந்து இலங்கைப் பிரதமரைக் கட்டிப்பிடித்தாரே தவிர அவரும் எந்தவித கடனுதவிகளையும் வழங்கவில்லை.
தேவையென்றால் தொழில்நுட்ப உதவிகளை வழங்குவதாக அமெரிக்க இராஜாங்க செயலாளர் கூறியுள்ளார் என்று உதய கம்மன்பில தெரிவித்தார்.
அத்துடன் மஹிந்த ராஜபக்ஷவின் அரசாங்கம் சீனா போன்ற பணக்கார நாடுகளுடன் நட்புறவை பேணி வந்ததாகவும், தற்போதைய அரசாங்கம் உலகின் மிகப்பெரிய கடனாளிகளான அமெரிக்கா போன்ற நாடுகளுடன் நட்புறவு வைத்துள்ளதாகவும் அவர் தெரிவித்தார்.
இன்று கொழும்பில் இடம்பெற்ற ஊடகவியலாளர் சந்திப்பிலேயே அவர் இவ்வாறு தெரிவித்திருந்தார்.
