பொத்துவில் பாக்கியவத்தைப் பகுதியில் பொது விளையாட்டு மைதானம் இன்மையால் விளையாட்டு வீரர்கள் பெரும் சிரமத்தை எதிர் நோக்கி வருவதாக பாக்கியவத்தை பகுதி விளையாட்டு வீரர்கள் தெரிவிக்கின்றனர்.
பொத்துவில் பிரதேசத்தின் பெரும் எண்ணிக்கையான விளையாட்டு வீரர்கள் இப்பகுதியில் வசிக்கின்றனர். பிரதேச மாவட்ட போட்டிகளில் இப்பகுதி வீரர்கள் சகல விளையாட்டு நிகழ்வுகளிலும் ஆர்வத்துடன் பங்கு பற்றி வெற்றியீட்டி வருவது குறிப்பிடத்தக்கது.
பொத்துவில் பிரதேச செயலகம் பொத்துவில் பிரதேச சபை முன்னின்று இப்பகுதியில் பொது இடத்தில் பொது மைதானம் அமைத்து தருவதற்கு ஒத்தாசை நல்க வேண்டுமென பாக்கிய வத்தை இளைஞர் விளையாட்டு அமைப்பினர் கேட்டு கொள்கின்றனர். பொதுவிளையாட்டு மைதான கோரிக்கையினை பாக்கியவத்தை பிரதேச சபை உறுப்பினர் எம்.எச். அப்துல் றகீமிடமும் தெரிவிக்கப்பட்டுள்ளதாக சம்பந்தப்பட்ட உறுப்பினர்கள் தெரிவித்தார்கள்.
0 comments :
Post a Comment