வரலாற்று பிரசித்தி பெற்ற காரைதீவு ஸ்ரீ பத்திரகாளி அம்பாள் ஆலயத்தின் வருடாந்த மகோற்சவம் மற்றும் தீமிதிப்பு வைபவம் எதிர்வரும் 22ஆம் திகதி புதன்கிழமை கதவு திறத்தலுடன் ஆரம்பமாகின்றது.
தொடர்ச்சியாக 10 தினங்கள் சடங்கு இடம்பெற்று ,ஜூலை மாதம் முதலாம் திகதி தீமிதிப்பு வைபவம் நடைபெறவுள்ளது.
சம்மாந்துறை ஸ்ரீ பத்திரகாளி அம்பாள் ஆலயம் மற்றும் காரைதீவு பத்திரகாளியம்மன் ஆலயத்தின் பிரதம பூசகர் குணசிங்கம் லோகேஷ் தலைமையில் உற்சவம் இடம்பெற இருக்கின்றது .
தினமும் பகல் பூசை 13.30 மணிக்கு ம் ,இரவு பூசை 7 மணிக்கு ம் இடம்பெற ஏற்பாடு செய்யப்பட்டிருக்கின்றது .
24ஆம் திகதி வெள்ளிக்கிழமை மகா விஷ்ணு ஆலயத்தில் இருந்து பாற்குடபவனி இடம்பெற இருக்கின்றது.
இருபத்தி எட்டாம் தேதி செவ்வாய்க்கிழமை முத்துச்சரம் புறத்தில் அம்பாள் வீதியுலா வருகிறார்.
1ஆம் தேதி வெள்ளிக்கிழமை காலை 7 மணிக்கு மஞ்சள் குளிக்கும் நிகழ்வு இடம் பெற்று தீமிதிப்பு வைபவம் இடம்பெறும் .
கூடவே ,அன்று அன்னதான நிகழ்வும் இடம்பெற இருக்கின்றது.
இறுதியாக 8ஆம் திகதி வெள்ளிக்கிழமை எட்டாம் நாள் வைரவர் திருச்சடங்கு இடம்பெறும் என்று ஆலய பரிபாலன சபையினர் தெரிவிக்கின்றார்கள்.
0 comments :
Post a Comment