இவ்வாறு - நாபீர் நற்பணி மன்ற தலைவரான - பொறியியலாளர் உதுமான்கண்டு நாபீர் விடுத்துள்ள அறிக்கையில் அறைகூவல் விடுத்துள்ளார்.
முஸ்லிம் சமுகத்தின் வாக்குகளை மாத்திரம் எதிர்பார்க்கும் ரிஷாத் , ஹக்கீம் மற்றும் அதாவுல்லா போன்றோர் - தமக்கு வாக்களித்த அந்த மக்களின் துயரிலும் பங்கேற்க வேண்டும். மாறாக ஓடி ஒழிந்து மௌனம் காக்கக் கூடாது.
வெள்ளத்தில் தத்தளிக்கும் மக்களும் எமது துயரில் யார் ? யார் ? பங்கு கொள்கிறார்கள் என்பதையும் அவதானிக்க வேண்டும்.
நாபீர் நற்பணி மன்றத்தின் ஊடாக எம்மால் முடிந்த உதவிகளை செய்து கொண்டிருக்கிறோம். எமக்கு எந்தவொரு மக்களும் கடந்த காலங்களில் வாக்களிக்கவில்லை. ஆனால் , மனிதாபிமானத்தோடு எமது செயற்பாடு அன்று முதல் இன்று வரை முன்னெடுக்கப்படுகின்றது.
சீரற்ற காலநிலையால் பாதிக்கப்பட்ட மக்களுக்கு உதவுங்கள் என்று கொழும்பில் இருந்து கொண்டு அறிக்கை விடுவதற்கு முஸ்லிம் அரசியல் தலைவர்கள் தேவை இல்லை. உங்களிடம் இருக்கும் பணமே போதும் இந்த காலநிலை சீரடையும் வரை மக்களுக்கு உதவுவதற்கு. அதைவிடுத்து சொகுசாக இருந்து கொண்டு அறிக்கை விட நீங்கள் எதற்கு என பாதிக்கப்பட்ட மக்கள் கேள்வி எழுப்பும் நிலை இன்று உருவாகியுள்ளது.
கொழும்பில் ஒய்யாரமாக இருப்பதை விடுத்து - பாதிக்கப்பட்ட பகுதிகளுக்கு நேரடியாக சென்று மக்கள் துயரில் பங்கெடுங்கள். இது உங்களின் கட்டாயக் கடமை. ஏனெனில் , உங்களை நம்பி அந்த மக்கள் வாக்களித்துள்ளார்கள். அவர்களுக்கு நன்றிக் கடனாக இதையாவது செய்யுங்கள் என்றும் நாபீர் நற்பணி மன்ற தலைவர் - பொறியியலாளர் உதுமான்கண்டு நாபீர் தனது அறிக்கையில் மேலும் சுட்டிக்காட்டியுள்ளார்.
0 comments :
Post a Comment