ஏறாவூர் - கூட்டுறவு வைத்தியசாலையின் எட்டு ஆண்டுகள் பூர்த்தியையொட்டி ஏற்பாடு செய்யப்பட்ட இலவச வைத்திய முகாம் 23.09.2018 நடைபெற்றது.
கூட்டுறவுச்சங்கத்தின் பொதுமுகாமையாளர் எம்எல் அப்துல் லத்தீப் தலைமையில் நடைபெற்ற இந்நிகழ்வில் நீரிழிவு நோயாளர்களுக்கான இரத்தப்பரிசோதனை, ஈசீஜீ போன்ற பரிசோதனைகளும் நடைபெற்றன.
மேலும் நோயாளர்களுக்கு பொது விசேட வைத்திய நிபுணர்களின் ஆலோசனை வழங்கப்பட்டதுடன் மருந்துகளும் இலவசமாக கொடுக்கப்பட்டன.
இலவச வைத்திய முகாம் ஆரம்ப நிகழ்வில் கூட்டுறவு அபிவிருத்தி உதவி ஆணையாளர் கேவீ தங்கவேல், கூட்டுறவுச்சங்கத்தின் தலைவர் எம்பிஎம்ஏ சக்கூர் மற்றும் வைத்தியர்கள் பலரும் கலந்துகொண்டனர்.
பொது வைத்திய நிபுணர் எம். உமாகாந் பொது மக்களை அறிவூட்டும் நோக்குடன் எழுதிய 'நீரிழிவும் நிம்மதியான வாழ்வும்' என்ற கைந்நூல் இதன்போது வெளியிடப்பட்டது.
சிறந்த நிருவாகத்தின்மூலம் கிழக்கு மாகாணத்திலேயே கடந்த பல வருகாலமாக இலாபத்தில் இயங்கிவருவதனால் ஜனாதிபதி விருதுகளைப்பெற்றுள்ள ஏறாவூர் பல நோக்குக் கூட்டுறவுச்சங்கத்தின்கீழ் வைத்தியசாலை, மினிகோப் சிற்றி, அரிசிஆலை, பல சரக்கு மொத்த விற்பனை நிலையம், எரிபொருள் நிரப்பு நிலையம், வாகன சுத்திகரிப்பு நிலையம் மற்றும் ஆடைத் தொழிற்சாலை ஆகிய நிறுவனங்கள் இயங்குகின்றமை குறிப்பிடத்தக்கது.
சிறந்த நிருவாகத்தின்மூலம் கிழக்கு மாகாணத்திலேயே கடந்த பல வருகாலமாக இலாபத்தில் இயங்கிவருவதனால் ஜனாதிபதி விருதுகளைப்பெற்றுள்ள ஏறாவூர் பல நோக்குக் கூட்டுறவுச்சங்கத்தின்கீழ் வைத்தியசாலை, மினிகோப் சிற்றி, அரிசிஆலை, பல சரக்கு மொத்த விற்பனை நிலையம், எரிபொருள் நிரப்பு நிலையம், வாகன சுத்திகரிப்பு நிலையம் மற்றும் ஆடைத் தொழிற்சாலை ஆகிய நிறுவனங்கள் இயங்குகின்றமை குறிப்பிடத்தக்கது.
