ஹலால் சான்றிதழ் வழங்குவதற்கு உலமாசபை கட்டணம் அறவிட்டு அப்பணத்தை தீவிரவாதிகளுக்கு வழங்கியதைப்போன்று தற்போது ஹலால் சான்றிதழ் வழங்கும் நிறுவனமும் அறவிடும் ஹலால் சான்றிதழுக்கான கட்டண நிதி ஐ.எஸ். தீவிரவாதிகளுக்கு அனுப்பிவைக்கப்படுகின்றது. அது தொடர்பாக அரசாங்கம் உடனடியாக விசாரணைகளை நடத்த வேண்டும் என பொதுபலசேனா அமைப்பு கோரிக்கை விடுத்துள்ளது.
நேற்று மதியம் ராஜகிரியவிலுள்ள பொதுபலசேனாவின் அலுவலகத்தில் நடைபெற்ற ஊடாக மாநாட்டில் கலந்து கொண்டு உரையாற்றிய பொதுபலசேனா அமைப்பின் நிறைவேற்றுப்பணிப்பாளர் டிலன்த விதானகே இத்தகவலை வெளியிட்டார்.
அவர் தொடர்ந்தும் உரை நிகழ்த்துகையில்,
சில கம்பனிகள் ஹலால் சான்றிதழுக்காக மில்லியன் கணக்கான ரூபாக்களை கட்டணமாக செலுத்தி வருகின்றன. இந்நாட்டில் வாழும் 10 சதவீதமான முஸ்லிம்களுக்காக 90 வீதமாக வாழும் பெரும்பான்மை உட்பட ஏனைய சமூகங்களும் ஹலால் வரிக்கு உட்படுத்தப்படுகின்றார்கள்.
எனவே, இந்த ஹலால் என்ற பெயரில் அறவிடப்படும் நிதி எவ்வாறு செலவிடப்படுகிறது. வருடாந்தம் எவ்வளவு தொகை அறவிடப்பட்டுள்ளது என்பது தொடர்பில் குழுவொன்றினால் விசாரணைகள் மேற்கொள்ளப்பட வேண்டும். ஹலால் நிதி அரசாங்கத்தினால் கண்காணிப்புக்கு உட்படுத்தப்படவேண்டும். என தெரிவித்தார்.
