மலையகக் கல்வி அபிவிருத்தி மன்றத்தின் தரம் ஐந்துக்கான அறிவொளி இலவச விசேட முன்னோடி பரீட்சை 09.07.2016 அன்று அட்டன் கல்வி வலயத்திற்குட்பட்ட நோர்வூட் அயரபி பாடசாலையில் மன்றத்தின் தலைவர் மு.சிவக்குமார் தலைமையில் இடம்பெற்றது.
இந்நிகழ்வில் மத்திய மாகாண விவசாயதுறை, இந்து கலாசார மற்றும் தோட்ட உட்கட்டமைப்பு அமைச்சர் எம்.ரமேஷ்வரன், அட்டன் வலய கல்வி பணிப்பாளர் பி.ஸ்ரீதரன், மலையகக் கல்வி அபிவிருத்தி மன்றத்தின் தலைவர் மற்றும் உறுப்பினர்கள், மன்றத்தின் அட்டன் வலய இணைப்பாளர் மற்றும் தலவாக்கலை வலய இணைப்பாளர், பாடசாலை அதிபர், ஆசிரியர்கள், பெற்றோர்கள், மாணவர்கள் என பலரும் கலந்து கொண்டனர்.
