சம்மாந்துறை பிரதேச சபைக்குட்பட்ட பகுதிகளில் நீண்டகாலமாகப் பழுதடைந்து காணப்பட்ட வீதி மின்விளக்குகளைச் சீரமைக்கும் மற்றும் புதிய மின்விளக்குகளைப் பொருத்தும் பணிகள் தற்போது மிகத் துரிதமாக முன்னெடுக்கப்பட்டு வருகின்றன.
பிரதேசத்தின் முக்கிய சந்திப்புகள், மக்கள் நடமாட்டம் அதிகமுள்ள வீதிகள் மற்றும் நீண்டகாலமாக இருள் சூழ்ந்து காணப்பட்ட இடங்கள் கண்டறியப்பட்டு, அங்கு முதற்கட்டமாகச் சீரமைப்புப் பணிகள் நிறைவடைந்துள்ளன. தற்போது இரண்டாம் கட்டமாக உட்புற வீதிகளிலும் புதிய மின்விளக்குகள் பொருத்தப்பட்டு வருகின்றன.
இந்தச் செயற்திட்டத்தின் சிறப்பம்சமாக, சம்மாந்துறை பிரதேச சபை உறுப்பினர்கள் நேரடியாகக் களத்தில் இறங்கி மின்சார சபைப் பணியாளர்களுடன் இணைந்து பணிகளை ஒருங்கிணைத்து வருகின்றனர். மக்களின் முறைப்பாடுகளுக்குக் காத்திருக்காமல், தாங்களாகவே பகுதிகளை அடையாளங்கண்டு இப்பணிகளை முன்னெடுப்பது ஒரு முன்மாதிரியான செயல்பாடாகப் பார்க்கப்படுகிறது.
இரவு நேரங்களில் வீதிப் பாதுகாப்பை உறுதிப்படுத்தும் நோக்கில் முன்னெடுக்கப்படும் இந்த நடவடிக்கைக்குப் பொதுமக்கள் மத்தியில் அமோக வரவேற்பு கிடைத்துள்ளது.
மக்களின் அடிப்படைத் தேவையை உணர்ந்து செயற்படும் சம்மாந்துறை பிரதேச சபை உறுப்பினர்களின் இந்த அர்ப்பணிப்பு மிக்கச் செயல்பாடு ஏனைய உள்ளூராட்சி மன்றங்களுக்கும் ஒரு சிறந்த எடுத்துக்காட்டாக அமைந்துள்ளது.
0 comments :
Post a Comment