சம்மாந்துறை பிரதேசத்தில் இரண்டு இடைத்தங்கல் முகாம்கள் அமைக்கப்பட்டு மக்கள் பாதுகாப்பான முறையில் தங்க வைக்கப்பட்டுள்ளனர்.
சம்மாந்துறை பிரதேசத்தில் ஏற்பட்டுள்ள வெள்ள அனர்த்தம் காரணமாக மக்களின் குடியிருப்பு நிலங்களுக்குள் நீர் உட்புகுந்துள்ளது.
அதை தொடர்ந்து சம்மாந்துறை பிரதேச செயலக அனர்த்த முகாமைத்துவ குழுவின் ஒத்துழைப்போடு பாதிக்கப்பட்ட மக்கள் பாதுகாப்பான இடங்களில் தங்க வைக்கப்பட்டுள்ளனர்.
மல்கம்பிட்டி கிராம சேவையாளர் பிரிவில் உள்ள நெய்னாகாட்டு கிராமத்தில் சுமார் தற்பொழுது வரை 19 குடும்பங்களில் உள்ள 77 உறுப்பினர்கள் சம்மாந்துறை தாறுஸ்ஸலாம் மகா வித்தியாலத்தில் தங்க வைக்கப்பட்டுள்ளனர்.
மேலும் சம்மாந்துறை பிரதேச செயலக பிரிவுல் உள்ள மல்வத்தை பிரதேசத்தில் வெள்ள நீர் வீடுகளுக்குள் உட்புகுந்ததில் பாதிக்கப்பட்ட மக்கள் சம்மாந்துறை மல்வத்தை விபுலானந்த மகா வித்தியாலத்தில் தற்பொழுது வரை 90குடும்பங்களில் உள்ள 292 பேர் பாதுகாப்பான முறையில் தங்க வைக்கப்பட்டுள்ளதோடு அவர்களுக்கான உணவு மற்றும் ஏனைய வசதிகள் ஏற்படுத்திக் கொடுக்கப்பட்டுள்ளது.
சம்மாந்துறை பிரதேச செயலாளர் எஸ்.எல்.எம் ஹனிபா பாடசாலையில் அமைக்கப்பட்டுள்ள முகாம்களுக்கு நேரடியாக சென்று பார்வையிட்டதோடு மக்களுடன் கலந்துரையாடல் மேற்கொண்டு மக்களுக்குரிய ஆலோசனைகளும் வழங்கினார்.
பிரதேச செயலத்தினால் அவ் முகாம்களுக்கு பொலிஸ் பாதுகாப்பு,கிராம சேவையாளர்கள்,பிரதேச சபை என ஒரு குழு அமைக்கப்பட்டு மிகச் சிறப்பான முறையில் மக்களுக்குரிய சேவை இடம் பெறுகின்றமை குறிப்பிடத்தக்கது.
0 comments :
Post a Comment