“எமது நாடுகளுக்கிடையிலான இருதரப்பு உறவுகளின் 75 வருடங்களை நாம் கொண்டாடுகையில், அமெரிக்காவிற்கும் இலங்கைக்கும் இடையிலான பல தசாப்த கால பங்காண்மையின் சாதனைகளை இந்த மனதைக் கவரும் காணொளி காட்சிப்படுத்துகிறது. கல்வி, சுகாதாரம், விவசாயம் மற்றும் பொருளாதார அபிவிருத்தி ஆகியவற்றில் USAID இன் பங்காண்மைகளூடாக எண்ணற்ற இலங்கையர்களின் வாழ்வில் தாக்கத்தை ஏற்படுத்திய பகிரப்பட்ட சாதனைகளை இது எடுத்துக்காட்டுகிறது. எமது பயணத்தின் அடுத்த அத்தியாயத்தில் நாம் அடியெடுத்து வைக்கையில், இருநாட்டு மக்களுக்குமிடையிலான வலுவான உறவுகளையும், பங்காண்மைகளையும், மற்றும் முன்னேற்றத்தினையும் மேலும் பல ஆண்டுகளுக்குப் போஷித்து அமெரிக்க-இலங்கை நட்புறவானது தொடர்ந்து செழித்து வளரும்.” என இந்நிகழ்வில் கருத்துத் தெரிவித்த இலங்கைக்கான அமெரிக்கத் தூதுவர் ஜுலீ சங் கூறினார்.
“அமெரிக்க மக்களின் தாராளமான உதவிகளூடாக, 1956 ஆம் ஆண்டு முதல் இலங்கை மக்களுடன் தொடர்ந்து பங்காளராக இணைந்து பணியாற்றுவதில் USAID பெருமையடைகிறது. இங்கு USAID இல் உள்ள -- இலங்கையர் மற்றும் அமெரிக்கர் எனும் நாம் ஒவ்வொருவரும் -- இந்நாட்டின் ஒவ்வொரு பிரஜையினதும் வாழ்க்கையினை மேம்படுத்துவதற்கு உதவிசெய்வதற்கு உறுதிபூண்டுள்ளோம். USAID மீது நம்பிக்கை வைத்ததற்கு நன்றி.” என இலங்கைக்கான USAID செயற்பணிப் பணிப்பாளர் கெப்ரியல் கிராவ் தெரிவித்தார்.
அமெரிக்க-இலங்கை இராஜதந்திர உறவுகள் மற்றும் அபிவிருத்தி முன்முயற்சிகளுக்கான ஒரு சான்றான இக்காணொளியானது, எமது பகிரப்பட்ட பார்வை மற்றும் முன்னேற்றத்திற்கான அர்ப்பணிப்பு ஆகியவற்றை உருவகப்படுத்துகிறது. ஊடகங்கள் காணொளியின் உள்ளடக்கத்தை அணுகுவதற்கும் பகிர்வதற்கும் கீழுள்ள இணைப்புகளை சொடுக்கவும்:
ஆங்கிலம்: https://youtu.be/abVYj0VILtY
சிங்கள உபதலைப்புகளுடன் ஆங்கிலம்: https://youtu.be/-6YJefJHrMU
தமிழ் உபதலைப்புகளுடன் ஆங்கிலம்: https://youtu.be/HIlu4rT2MXM
To download videos: Celebrating Diplomacy through Development - US Embassy Colombo/USAID
0 comments :
Post a Comment