புதிய ஜனநாயக மாக்சிச லெனினிசக் கட்சியின் ஏற்பாட்டில் பொதுமக்கள் எதிர்கொள்ளும் பல்வேறு கோரிக்கைகளை முன்வைத்து மக்கள் கவனயீர்ப்பு போராட்டம் எதிர்வரும் சனிக்கிழமை (10.07.2021) மு.ப. 9.30 மணியளவில் யாழ். பிரதான பேருந்து நிலையத்திற்கு முன்பாக இடம்பெறவுள்ளது.
உணவுப் பொருட்கள் - எரிபொருட்களின் விலைகளை உடனே குறை, விவசாயிகள் - மீனவர்கள் எதிர்கொள்ளும் நெருக்கடிகளுக்குத் தீர்வு காண்,கொரோனா தடுப்பூசியை அனைவருக்கும் வழங்கி இயல்பு வாழ்வுக்கு வழி செய், அனைத்து அரசியல் கைதிகளையும் உடனே விடுதலை செய், ஆகிய பிரதான கோரிக்கைகளை முன்வைத்தே இவ் கவனயீர்ப்பு போராட்டம் நடைபெறவுள்ளது.
குறித்த கவனயீர்ப்பு போராட்டம் சுகாதார வழிமுறைகளைப் பின்பற்றி இடம்பெறவுள்ளதுடன் இப் போராட்டத்தில் அனைவரையும் இணைந்துகொள்ளுமாறு அதன் ஏற்பாட்டாளர்களுள் ஒருவரான புதிய ஜனநாயக மாக்சிச லெனினிசக் கட்சியின் வட பிராந்திய செயலாளரும், வலி. கிழக்கு பிரதேச சபையின் உறுப்பினருமான தோழர் செல்வம் கதிர்காமநாதன் அவர்கள் அழைப்பு விடுத்துள்ளார்.
.jpeg)
0 comments :
Post a Comment