கோப் குழுவின் சுயாதீனத்தைப் பாதுகாக்க தான் எந்த நேரத்திலும் செயற்படத் தயாராகவுள்ளதாக பிரதமர் ரணில் விக்கிரமசிங்க தெரிவித்துள்ளார்.
சிலர் தமது குறைகளை மறைத்துக் கொள்ளவே கூக்குரல் இடுகின்றனர். தனக்கு எதிராக வழக்குத் தொடர்வதற்கு எடுக்கும் முயற்சி ஒரு அரசியல் பழிவாங்களே அன்றி வேறில்லை. சிலர் உலகிலேயே பெரிய திருட்டாக மத்திய வங்கி முறி மோசடியை கருதுகின்றனர்.
மத்திய வங்கி முறி மோசடி தொடர்பில் கோப் குழு அறிக்கை குறித்து நடைபெற்ற ஊடகவியலாளர் சந்திப்பில் கருத்துத் தெரிவிக்கையிலேயே இதனைக் கூறியுள்ளார்.
தேவை ஏற்பட்டால் லஞ்ச, ஊழல் மோசடி விசாரணை ஆணைக்குழுவிலும் ஆஜராக பின்வாங்க மாட்டேன் எனவும் பிரதமர் மேலும் குறிப்பிட்டுள்ளார்.
