வரவு செலவுத் திட்டமுன்மொழிவிலான விவசாய நஷ்டஈட்டுக்கான விண்ணப்பங்கள் வழங்கும் நிகழ்வு.

ஏ.எல்.ஏ.றபீக் பிர்தௌஸ் -

நிந்தவூர் பிரதேசத்தில் கடந்த வருடம் சிறுபோகத்தின்போது நீர்ப்பற்றாக்குறை காரணமாக விவசாயம் செய்யப்படாது பாதிக்கப்பட்ட வயற் சொந்தக் காரர்களுக்கு, அதிமேதகு ஜனாதிபதி மஹிந்த ராஜபக்ஷ அவர்கள் முன்வைத்த வரவு செலவுத் திட்டத்தில் குறிப்பிடப்பட்ட நஷ்ட ஈட்டுக்கான விண்ணப்பப்படிவங்கள் வழங்கும் நிகழ்வு இன்று நிந்தவூர் கமநல சேவைகள் மத்திய நிலையத்தில் இடம் பெற்றது.

நிந்தவூர்ப் பிரதேச கமநலசேவைகள் அபிவிருத்தி உத்தியோகத்தர் ஐ.எல்.ஹாலிக் தலைமையில் இடம் பெற்ற இந்நிகழ்வில் பாராளுமன்ற உறுப்பினர் எம்.சீ.பைசால் காசீம் பிரதம அதிதியாகவும், நிந்தவூர் பிரதேச சபைத் தலைவர் எம்.ஏ.எம்.தாஹீர் கௌரவ அதிதிகளாகவும் கலந்து கொண்டு, விவசாய நிலச் சொந்தக் காரர்களுக்கு நஷ்டஈட்டு விண்ணப்பங்களை வழங்கி வைத்தனர்.

இந்நிகழ்வில் 1122 ஏக்கர் நெல்வயற் சொந்தக் காரர்களுக்கு நஷ்டஈட்டு விண்ணப்பங்கள் வழங்கி வைக்கப்பட்டன.

இங்கு பாராளுமன்ற உறுப்பினர் பைசால் காசீம் உரையாற்றுகையில்:- ' நாங்கள் அரசாங்கத்தில் பங்காளிகளாக இணைந்து கொண்டதனால்தான் இன்று எமது பிரதேசங்களில் பல்வேறு அபிவிருத்திகளைச் செய்து கொண்டிருக்கிறோம். அண்மையில் கூட ஒவ்வொரு பாராளுமன்ற உறுப்பினருக்கும் 25 மில்லியன் ரூபா அபிவிருத்திக்காக வழங்கப்பட்டது. இதனை ஒரு சிலர் எனது பெயரைக் களங்கப்படுத்த வேண்டுமென்றநோக்கில் அரசாங்கத்திற்கு ஆதரவளிப்பதற்காக பணத்தினைப் பெற்று வருகிறேன் எனத் தெரிவிக்கின்றனர். இது முற்றிலும் தவறானது'. எனத் தெரிவித்தார்.

இந்த செய்தியை நண்பர்களுடன் பகிர்ந்து கொள்ள...

எமது உத்தியோகபூர்வ பேஸ்புக் பக்கம்

importmirror.com

எமது செய்திகளை உடனுக்குடன் பேஸ்புக் மூலம் அறிந்து கொள்ள எமது பேஸ்புக் பக்கத்தை லைக் (like) செய்க!

முக்கிய குறிப்பு :

எமது இணையத்தளத்துக்கு அனுப்பிவைக்கப்படும் ஆக்கங்கள் , செய்திகள் என்பவற்றுக்கு அதனை அனுப்பிவைப்பவர்களே பொறுப்பாளிகள் ஆவர். தவறான அல்லது பிழையான, அவதூறு, பிறர் மனங்களை புண்படுத்தும் செய்திகள் அல்லது தகவல்களுக்கு எமது நிருவாகமோ இணையத்தளமோ பொறுப்பாளியல்ல. இதனைக்கருத்தில் கொண்டு தகவல் தொடர்புகளை மேற்கொள்ளுமாறு வேண்டுகின்றோம்.- நிருவாகம் -