மா
ஸ்கோ நகரின் வடகிழக்கு பகுதியில் உள்ள ஒரு பள்ளிக்குள் இன்று துப்பாக்கியுடன் நுழைந்த மர்ம மனிதன் காவலாளிகளை துப்பாக்கி முனையில் மிரட்டி உள்ளே நுழைந்தான். அவன் பள்ளிக்குள் நுழைந்தவுடன் காவலாளிகள் போலீசாருக்கு தகவல் கொடுத்தனர்.உடனடியாக பள்ளிக்கு விரைந்து வந்த போலீசாருக்கும், துப்பாக்கி மனிதனுக்கும் இடையே ஏற்பட்ட மோதலில் ஒரு போலீஸ்காரர் மற்றும் ஒரு ஆசிரியர் பலியானதாகவும் மேலும் ஒரு போலீஸ்காரர் படுகாயமடைந்ததாகவும் காவல்துறையினர் கூறியுள்ளனர். பின்னர் அப்பள்ளியில் உள்ள உயிரியல் வகுப்பிற்குள் நுழைந்த அந்த ஆசாமி, அங்கிருந்த 29 மாணவர்களையும் சிறைபிடித்தான்.
ஆனால் சிறிது நேரத்திற்குள்ளேயே சிறைபிடித்த மாணவர்கள் அனைவரையும் அவன் விடுவித்ததாக கூறப்பட்டுள்ளது. பள்ளிக்குள் துப்பாக்கி மனிதன் நுழைந்த தகவல் கிடைத்தவுடன் மாணவர்களின் பெற்றோர்கள் பள்ளிக்கு வெளியே குவிந்துவிட்டனர். பள்ளியின் தொலைபேசி இணைப்பும் துண்டிக்கப்பட்டுள்ளதாக தெரிவிக்கப்பட்டுள்ளது. எனினும் துப்பாக்கி மனிதன் இதுவரை எந்த வித கோரிக்கையையும் முன்வைக்கவில்லை என்பது குறிப்பிடத்தக்கது.
0 comments :
Post a Comment