ந
டிகர் ஷாருக்கான் நடித்து திரைக்கு வரவிருக்கிறது சென்னை எக்ஸ்பிரஸ் திரைப்படம். இந்நிலையில் ஷாருக்கானும், படத்தின் நாயகி தீபிகா படுகோனேவும் சென்னையில் செய்தியாளர்களை சந்தித்தனர். ’’என் அம்மா பிறந்த ஊர் ஹதராபாத். தீபிகாவுக்கு பெங்களூர். சத்யராஜ் சார் தமிழ். இந்தப்படம் சம்பந்தப்பட்டவர்கள் தென் இந்தியர்கள். தென் இந்தியர்கள் எல்லோரும் இணைந்து ஒரு இந்தி சினிமா செய்திருக்கிறோம்’’என்றார் ஷாருக்கான்.
அவர் மேலும், ‘’தமிழ்நாட்டில் எனக்கு நிறைய நண்பர்கள் இருக்கிறார்கள். அஜீத் எனக்கு நல்ல நண்பர். மணிரத்னம்,சந்தோஷ் சிவன் என்று என் மனசுக்கு பிடித்த நண்பர்கள் இங்கு நிறைய பேர் இருக்கிறார்கள்’’ என்றார்.
தீபிகா படுகோனிடம், ‘’கோச்சடையான், சென்னை எக்ஸ்பிரஸ் என்று இரண்டு சூப்பர் ஸ்டார்களுடன் இணைந்து நடித்திருக்கிறீர்கள். நீங்கள் பணியாற்றிய விதத்தில் யார் பெஸ்ட் என்று நினைக்கீர்கள்?’’என்று செய்தியாளர்கள் கேட்டதும், ஷாருக்கான் மைக் பிடித்து, ’’இந்த கேள்விக்கு தீபிகாவால் பதில் சொல்ல முடியாது. நானே சொல்கிறேன்.
உலகத்திற்கு ஒரே ஒரு சூப்பர் ஸ்டார்தான். அவர் ரஜினி சார்தான். இது எல்லோருக்கும் தெரியும். ரஜினி சாருக்கு ஜப்பானில் இருக்கும் ரசிகர்களை கண்டு நான் வியந்திருக்கிறேன்.
தனித்துவம் வாய்ந்த அந்த மனிதரை கொண்டாடுவதற்கு ஒரு வாய்ப்பு அமைந்தது. அதனால்தான் லுங்கி டான்ஸ் ஒன்றுக்கு ஆடியுள்ளேன். இந்த பாடல் மிகுந்த வரவேற்பை பெற்றுள்ளது. இந்த பாடலுக்கும் படத்திற்கும் சம்பந்தம் இல்லையென்றாலும் ரஜினி சாருக்கு என்னால் முடிந்த ஒன்றை செய்த திருப்தி இருக்கிறது’’என்று கூறினார்.
0 comments :
Post a Comment