இதனையடுத்து கூட்டம் இடம்பெற்ற மட்டக்களப்பு ரிவேரா விடுதியில் நேற்று பதற்ற நிலை தோன்றியிருந்தது. இங்கு கைகலப்பும் ஏற்பட்டதாகக் கூறப்படுகிறது. இதனையடுத்து உடனடியாக ஸ்தலத்துக்கு விரைந்த பொலிஸார் நிலைமையை தங்களுடைய கட்டுப்பாட்டுக்குள் கொண்டு வந்தனர்.
குறித்த செயலமர்வில் மட்டக்களப்பு மாவட்டத்தைச்சேர்ந்த மூவினங்களையும் சேர்ந்தவர்கள், சிவில் சமூகத்தினர்,மீள்குடியேறிய பகுதியிலுள்ள முக்கியஸ்தர்கள் மற்றும் பல்கலைகழக விரிவுரையாளர்கள் உட்படலான கல்விமான்கள் கலந்து கொண்டுள்ளனர். இதன்போது அங்கு திடீரென அந்த செயலமர்வுக்கு வந்த மட்டக்களப்பு மங்களாராம விகாராதிபதி அம்பிட்டிய சமரத்ன தேரர் தானும் இந்த செயலமர்வில் உரையாற்றவேண்டுமென கேட்டுள்ளார்.
இதனையடுத்து அவருக்கு உரையாற்றும் சந்தர்ப்பம் வழங்கப்பட்டது. இருப்பினும் தலைப்பை விட்டு வேறு விடயங்களை அங்கு கூற முயற்சித்த போது, அதனை ஏற்பாட்டாளர்கள் விகாராதிபதியின் கவனத்திற்கு கொண்டு வந்தனர். இதன்போதே அவர் ஏற்பட்டாளர்கள் மீது தாக்கியுள்ளார்.
0 comments :
Post a Comment