இக்கூட்டம் கட்சியின் உப பொருளாளர் முஹம்மத் பைசால் தலைமையில் இடம்பெற்றது. கூட்டத்தில் கட்சித் தலைவர் முஸ்னத் முபாறக் முக்கிய உரையாற்றி, எதிர்வரும் தேர்தல் சூழ்நிலை, கட்சியின் தேர்தல் யுக்திகள், திட்டங்கள், பிரதேச மட்ட அமைப்புகளின் வலுப்படுத்தல் மற்றும் இளைஞர்கள்–பெண்கள் அரசியலுக்கு வழங்க வேண்டிய பங்குகள் குறித்து விரிவாக விளக்கமளித்தார்.
அவர் தனது உரையில், “மாகாண சபைத் தேர்தல் மக்கள் வாழ்வை நேரடியாக பாதிக்கும் ஒரு முக்கிய அரசியல் கட்டமாகும். எங்கள் கட்சி மக்கள் நம்பிக்கைக்கு உரிய மாற்று சக்தியாக திகழும். அதற்காக அடிப்படை மட்ட செயற்பாடுகள் வலுப்படுத்தப்பட வேண்டும்,” எனக் கூறினார்.
கூட்டத்தில் செயற்குழு உறுப்பினர்கள் பலரும் கலந்து கொண்டு, தங்களது கருத்துகளையும் பரிந்துரைகளையும் முன்வைத்தனர். தேர்தல் பிரச்சாரத்திற்கான தொடக்கத் திட்டங்கள், வேட்பாளர் தெரிவு குறித்த நடைமுறைகள் மற்றும் வாக்காளர் தொடர்பு நடவடிக்கைகள் ஆகியவையும் விவாதிக்கப்பட்டன.
இந்நிகழ்வில் கட்சியின் பல பிரதேச தலைவர்கள், இளைஞர் பிரிவு பிரதிநிதிகள் மற்றும் செயற்பாட்டாளர்கள் பங்கேற்றனர். கூட்டத்தின் நிறைவில் மாகாண மட்ட ஒருங்கிணைப்புக் குழுவை அமைக்கும் முடிவு எடுக்கப்பட்டது.
இந்தக் கூட்டம், எதிர்வரும் மாகாண சபைத் தேர்தலுக்கான ஸ்ரீலங்கா ஐக்கிய காங்கிரஸின் அரசியல் முயற்சிகளில் ஒரு முக்கிய கட்டமாகக் கருதப்படுகிறது.
0 comments :
Post a Comment