அகில இலங்கை கணித ஒலிம்பியாட் போட்டியில் வட மாகாண கனிஷ்ட பிரிவு அணி இரண்டாமிடத்தை பெற்றுள்ளது.
மீபேயில் இடம்பெற்ற மேற்படி போட்டியில் 9 பேரைக்கொண்ட மாணவர் அணியில் மன்னார் புனித சேவியர் ஆண்கள் கல்லூரி மாணவன் ஏ.யூ.ஏ..உமர் இவ் வெற்றியில் பங்குதாரராகி மன்னார் வலயத்திற்கும் பெருமை சேர்த்துள்ளார்.
மேற்படி போட்டியில் கிழக்கு மாகாண அணி முதலிடத்தை பெற்றுக் கொண்டது.
இதேவேளை தேசிய மட்ட கணித ஒலிம்பியாட் குழுமத்தை தெரிவு செய்வதற்காக கொழும்பில் நடைபெற்ற பரீட்சைக்கு தோற்றி பிரிவு 1(தரம் 6) இல் நாடளாவிய 100 பேரில் மன்னார் வலய மாணவர்கள் மூவர் தெரிவு செய்யப்பட்டுள்ளார்கள்.
மன்னார் புனித சேவியர் ஆண்கள் கல்லூரியை சேர்ந்த ஏ.யூ.ஏ.உமர், ஏ.டீ.ஆருஸான், மன்னார் டிலாசால் கல்லூரியை சேர்ந்த ஜீ.டிலோஸன் ஆகியோரே இவ்வாறு தெரிவு செய்யப்பட்ட மாணவர்களாகும்.
பயிற்றுவித்த ஆசிரியர்களையும் ஒத்துழைத்து வழிகாட்டிய அதிபர்கள் மற்றும் பெற்றோரையும் கல்வி சமூகம் பாராட்டியுள்ளது.
0 comments :
Post a Comment