மண்முனை தென் எருவில்பற்று பிரதேச செயலக பிரிவின் முதலாம் காலாண்டுக்கான பிரதேச சிறுவர் அபிவிருத்தி குழு கூட்டம் நேற்று முன்தினம் (23/03.2023) பிரதேச செயலாளர் திருமதி சிவப்பிரியா வில்வரத்னம் தலைமையில் பிரதேச செயலக கேட்போர் கூடத்தில் இடம் பெற்றது.
இதன்போது சிறுவர்கள் எதிர்கொள்ளும் பல பிரச்சினைகள் தொடர்பில் கருத்துக்கள் பகிரப்பட்டதுடன், எதிர்காலத்தில் மேற்கொள்ள எதிர்பார்க்கும் சிறுவர் பாதுகாப்பு அபிவிருத்தி தொடர்பான விடயங்களும் ஆராயப்பட்டது.
குறிப்பாக சிறுவர் இடைவிலகலை குறைத்தல், சிறுவர் பாதுகாப்பு மிகுந்த நிலையான குடும்பச் சூழலை உருவாக்குதல், சிறுவர் அபிவிருத்தி நிலையங்களின் தராதரங்களை கண்காணித்தல், பல்துறை சார்ந்த ஒருங்கிணைப்புகளை பலப்படுத்தல், பாதிக்கப்பட்ட சிறுவர்களுக்கான சட்ட ரீதியான பாதுகாப்பை பெற்றுக் கொடுத்தல் என பல விடயங்கள் கலந்துரையாடப்பட்டது.
இவ் நிகழ்வில் உதவி பிரதேச செயலாளர் திருமதி சத்தியகௌரி தரணிதரன் மற்றும் வலயக் கல்வி அலுவலகம், பொலீஸ் திணைக்களம், சுகாதாரத் திணைக்கள அதிகாரிகள் உட்பட அரச சார்பற்ற நிறுவனங்களின் பிரதிநிதிகள், சிறுவர் அபிவிருத்தி நிலையங்களின் முகாமையாளர்கள்,
கிராம சேவை உத்தியோகத்தர்கள்,துறை சார்ந்த உத்தியோகத்தர்கள் என பலரும் கலந்து கொண்டனர்.
0 comments :
Post a Comment