எனக்கும் - முஷர்ரப் எம்பிக்கும் எந்தவித தொடர்பும் கிடையாது. அவர் கட்சியில் இருந்து இடைநிறுத்தப்பட்டவர் என அகில இலங்கை மக்கள் காங்கிரஸ் தலைவர் - ரிஷாத் பதியுதீன் நேற்று அறிவிப்பு செய்தார்.
கட்சியில் இருந்து இடைநிறுத்தம் செய்யப்பட்ட முஷர்ரப் எம்பியுடன் - கட்சியின் உண்மையான ஆதரவாளனும் தொடர்பு வைத்திருக்கமாட்டான் என்றும் தலைவர் ரிஷாத் பதியுதீன் குறிப்பிட்டுக் காட்டியுள்ளார்.
அம்பாரை மாவட்ட செயற்குழு கூட்டம் நேற்று மாலை அட்டாளைச்சேனையில் இடம்பெற்ற போதே மேற்படி கருத்துக்களை - ரிஷாத் பதியுதீன் தெரிவித்தார்.
முஷர்ரப் எம்பியுடன் - நான் மறைமுகமாக தொடர்பில் இருப்பதாக யாரும் நினைப்பார்களாயின் அது தவறான புரிதல்.
கட்சியின் கொள்கைக்கு மாற்றமாக - பொத்துவில் மக்களுக்கு வழங்கிய வாக்குறுதிக்கு மாறாக , முஷர்ரப் எம்பி யின் செயற்பாடு இருக்கிறது. அவ்வாறான நிலையில் - கட்சியின் தலைவராகிய நான் - அவருடன் கட்சி ரீதியான தொடர்பில் இருப்பதாக நினைப்பது அபத்தமான எண்ணம் .
அம்பாரை மாவட்டத்தில் கட்சி செயற்பாடுகளை தீவிரப்படுத்த வேண்டும். கட்சியின் கட்டமைப்பில் சில மாற்றங்களை செய்து கட்சியின் வாக்கு வங்கியை அதிகரிக்கும் செயற்பாடுகளில் அதீத அக்கறை செலுத்த வேண்டும் என்றார்.
0 comments :
Post a Comment