சீன அபிவிருத்தி வங்கியிடமிருந்து இலங்கை அரசாங்கம் மேலும் $0.7 Billionயை ( சுமார் 13 ஆயிரம் கோடி ரூபா ) கடனாக பெற தீர்மானித்துள்ளது.
இதற்கு முன்னர் $0.5 Billion ( சுமார் 9,285 கோடி ரூபா ) பெற்றுக்கொள்ள கையெழுத்திட்ட உடன்படிக்கைக்கு மேலதிகமான கடனாக இந்த தொகையை பெற்றுக்கொள்ளவுள்ளதாக அமைச்சர் பந்துல குணவர்தன தெரிவித்துள்ளார்.
இதனடிப்படையில் சீன அபிவிருத்தி வங்கியிடம் இருந்து $1.2 Billion ( சுமார் 22,285 கோடி ரூபா ) கடனாக பெறப்படவுள்ளது.
இதனிடையே அத்தியாவசிய பொருட்களை தவிர ஏனைய பொருட்கள் இறக்குமதி செய்வதை 3 மாதங்களுக்கு இடைநிறுத்த அரசாங்கம் நடவடிக்கை எடுத்துள்ளது.
கார்கள், குளிர்சாதனப் பெட்டிகள், மின்னணு பொருட்கள் உட்பட ஆடம்பர பொருட்கள் இறக்குமதி செய்வது இடை நிறுத்தப்பட்டுள்ளதென்றும், நாட்டிலுள்ள நிதி சந்தையில் கையிருப்பை தக்க வைக்க இந்த தீர்மானம் எடுக்கப்பட்டுள்ளதாக அமைச்சர் குறிப்பிட்டார்.
