நோர்வூட் பொலிஸ் பிரிவுக்குட்பட்ட நோர்வூட் எலிபடை பகுதியில் அனுமதி பத்திரமின்றி சட்டவிரோதமான முறையில் மாணிக்கல் அகழ்வில் ஈடுபட்ட நான்கு பேரை இன்று (15) அதிகாலை இரண்டு மணியளவில் கைது செய்துள்ளதாக நோர்வூட் பொலிஸார் தெரிவித்தனர்.
குறித்த நபர்கள் கெசல்கமுவ ஓயாவின் பல இடங்களில் இரவு வேளைகளில் சட்ட விரோதமான முறையில் மிகவும் சூக்சுமமாக மாணிக்கல் அகழ்வில் ஈடுபட்டு வருவதாக பொலிஸாருக்கு கிடைத்த இரகசிய தகவலினையடுத்து,விசேட பொலிஸ் குழு ஒன்று இதனை பின் தொடர்ந்து சுற்றிவளைத்து மாணிக்கல் அகழ்வில் ஈடுபட்ட வர்களை கைது செய்துள்ளனர்.
சந்தேக நபர்கள் பலங்கொடை மற்றும் பொகவந்தலாவை பகுதிகளைச் சேர்ந்தவர்கள் என்று மாணிக்கல் அகழ்வில் இவர்களுக்கு பலத்த அனுபவம் இருப்பதாகவும் பொலிஸார் மேற்கொண்ட விசாரணையின் மூலம் தெரியவந்துள்ளன.
சந்தேக நபர்களுக்கு எதிராக அனுமதி பத்திரமின்றி மாணிக்கல் அகழ்வில் ஈடுபட்டதற்கு எதிராக வழக்கு தாக்கல் செய்யப்பட்டு நாளை (16) திகதி திங்கட்கிழமை ஹட்டன் நீதவான் முன்னிலையில் ஆஜப்படுத்தப்படவுள்ளதாக பொலிஸார் மேலும் தெரிவித்தனர்.
சம்பவம் தொடர்பான மேலதிக விசாரணைகளை நோர்வூட் பொலிஸார் மேற்கொண்டு வருகின்றனர்.
