வித்தாய்ப்போன எங்கள் முத்து
சமூகத்தின் சத்திற்காய் வித்தாய் போனதொரு முத்து
அரசியல் அநாதைகளை தத்தெடுக்க கல்முனை பெத்தெடுத்த சொத்து
எத்திசையிலும் சித்தி பெறும் முக்தி பெற்று கத்தி அவர்
நாங்கள் கடைசி ஈரம் காயும் வரை கத்தி கத்தி அனுப்பவிட்டோம் வழியனுப்பி
*****************
முருங்கை மரத்துப் புக்களின் இடைவெளிக்கும் முடங்கிப் போன நாங்கள்
வேங்கைகளாய் பாய்ந்து வெற்றி பெற வாய்ப்பளித்த வள்ளல்
உன் கால் துசுபட தகுதியற்ற அரசியல் அலங்கோலங்களில்
இன்னும் உன்னை வைத்து பிழைப்பு போகுது எங்களுக்கு
*****************
முட்டி நிறைய பாலை வைத்து காத்திருக்கும் புனையாய்
உன்னை வைத்து ஏங்கி நிற்கிறோம் எம்மை முஸ்லிமாய் இனம்காட்ட
தலைவா! என்ற ஒரு சொல்லிற்கு சமகாலத்தில் உன்னை விட யாருண்டு
மர வேருண்டு அதில் நீருண்டு ஆனால் மனிதா நீ இல்லையே!
*********************
உன் தலைகண்டு மெச்சியதில் பலருண்டு பல்லிளித்தவருமுண்டு
உன் குரல் கேட்டு பெருந்தலைவா! என இதயத்தால் இளைப்பாறும் நாள் வருமா
தொலை நோக்குப் பார்வை ஒன்றால் எம்மை விட்டு தொலைதுரம் போனாயோ
நான் எனும் நீயாய் எம்மை அரசியல் பேய்களாய் ஆக்கிவிட்டாயே
************************
உன்னை கேட்டதில் யாரும் பதில் சொல்லவில்லை சொல்லவும் மாட்டார்கள்
ஒவ்வொரு ஈமானிய இதயத்திலும் நித்தியமாய் நீயிருக்க
எம் தலைவா உன்னை காட்டிக்கொடுக்க மனமில்லை எங்களுக்கு
நீ இறைவனிடம் விரைவாய்ச் சென்ற பின்பும்….
**************************
என்றும் அன்புடன்,
முஸ்லிம் காங்கிரஸ் போராளி,
சர்ஜுன் லாபீர்
