ஏறாவூர் ஏஎம் றிகாஸ்-
மட்டக்களப்பு-கரடியனாறு - காரக்காடு பிரதேசத்தில் புதையல் தோண்டிக்கொண்டிருந்த பெண்ணொருவர் உட்பட ஏழு பேர் 17.02.2019 காலை கைதுசெய்யப்பட்டுள்ளதாக கடியனாறு பொலிஸார் தெரிவித்தனர்.(பெக்கோ லோடர்) குழிதோண்டும் கனரக வாகனம் மற்றும் புதையல் தோண்டுவதற்குப்பயன்படுத்தபட்ட சவள், அலவாங்கு உள்ளிட்ட உபகரணங்களும் கைப்பற்றப்பட்டுள்ளன.
கைதுசெய்யப்பட்டவர்கள் குருநாகல்- இப்பாகமுவையைச்சேர்ந்த ஒருவரும் பொலன்னவை- சுங்காவில்லைச் சேர்ந்த நான்கு பேரும் ஏறாவூரைச் சேர்ந்த ஒருவரும் மற்றும் காரக்காடு பகுதியைச்சேர்ந்த பெண்ணொருவரும் அடங்குகின்றனர்.
கரடியானாறு பொலிஸார் இதுதொடர்பாக மேலதிக விசாரணைகளை மேற்கொண்டுவருகின்றனர்.
மட்டக்களப்பு தலைமையக பொலிஸாருக்குக்கிடைத்த இரகசிய தகவலொன்றையடுத்து பொலிஸ் புலனாய்வுப்பிரிவு உத்தியோகத்தர்களது ஒத்துழைப்புடன் இக்கைது இடம்பெற்றுள்ளது.
