கோறளைப்பற்று மேற்கு கல்விக் கோட்டப் பாடசாலைகளிலுள்ள உடற்கல்வி ஆசிரியர்கள் மற்றும் விளையாட்டுப் பயிற்றுவிப்பாளர்களுக்கு சீருடை வழங்கும் நிகழ்வு புதன்கிழமை (6) இடம்பெற்றது.
கோறளைப்பற்று மேற்கு ஓட்டமாவடி கோட்டக் கல்விப் பணிப்பாளர் வீ.ரீ.அஜ்மீர் தலைமையில் இந்நிகழ்வு மீராவோடை அல் ஹிதாயா வித்தியாலய மண்டபத்தில் இடம்பெற்றது.
கல்குடா அகீல் அவசர சேவைகள் பிரிவு தலைவர் எம்.ஏ.சீ.நியாஸ் ஹாஜியின் நிதிப் பங்களிப்பில் இந்த சீருடை வழங்கி வைக்கப்பட்டது.
சீருடை வழங்கும் நிகழ்வில் கோட்டக் கல்விப் பணிப்பாளர் வீ.ரீ.அஜ்மீர், அகீல் அவசர சேவைகள் பிரிவு தலைவர் அல் ஹாஜ் எம்.ஏ.சீ.எம். நியாஸ் மீராவோடை அல் ஹிதாயா வித்தியாலய அதிபர் ஏ.ஜே. மர்சூக், ஆசிரிய ஆலோசகர் எம்.பி.எம்.நபீர் ஆகியோர் கலந்து கொண்டனர்.
சீருடைகளை வழங்கி வைத்த கல்குடா அகீல் அவசர சேவைகள் பிரிவு தலைவர் அல் ஹாஜ் நியாசுக்கு கோட்டக் கல்விப் பணிப்பாளர் வீ.ரீ.அஜ்மீர் நன்றிகளையும், பாராட்டுக்களையும் தெரிவித்துள்ளார்.
0 comments :
Post a Comment