காரைதீவில் நவீன மயப்படுத்தப்பட்ட இலங்கை வங்கி கிளை புதிய கட்டிடத்தில் இன்று(4) வெள்ளிக்கிழமை வங்கி முகாமையாளர் திருமதி யாழினி மோகனகாந்த் தலைமையில் திறந்து வைக்கப்பட்டது.
விழாவில் பிரதம அதிதியாக இலங்கை வங்கியின் பிரதிப் பொது முகாமையாளர் பியல் சில்வா கலந்து சிறப்பித்தார்.
சிறப்பு அதிதியாக வங்கியின் கிழக்கு மாகாணத்திற்கான உதவி பொது முகாமையாளர் சிந்தியா மார்ட்டின் கௌரவ அதிதியாக காரைதீவு பிரதேச செயலாளர் சிவ. ஜெககராஜனும் முன்னாள் உதவி பொது முகாமையாளர் வணிகசேகரவும் கலந்து கொண்டார்கள்.
காரைதீவின் முக்கிய பிரமுகர்கள் வங்கி முகாமையாளர்கள் கலந்து கொண்ட நிகழ்வின் ஆரம்பத்தில் பான்டா வாத்தியம் சகிதம் வரவேற்கப்பட்டு தேசிய மாகாண வங்கி கொடிகள் ஏற்றப்பட்டன. பின்னர் நாடா வெட்டி அதிதிகளால் திறந்து வைக்கப்பட்டது.
அங்கு உதவி பொதுமுகாமையாளர் சிந்தியா மார்ட்டின் வரவேற்புரை நிகழ்த்த பிரதான உரையை பிரதி பொது முகாமையாளர் பியல் செல்வா நிகழ்த்தினார்.
அங்கு புதிய கொடுக்கல் வாங்கல்கள் சம்பபிரதாயபூர்வமாக நிகழ்த்தி வைக்கப்பட்டது. மேலும் 18 பிளஸ் அதிஷ்ட சாலிக்கு தங்க நாணயம் பரிசாக வழங்கப்பட்டது. கட்டிட உரிமையாளர்க்கு கௌரவ பரிசு வழங்கி வைக்கப்பட்டது.
இறுதியாக அம்பாறை மாவட்ட இலங்கை வங்கி முகாமையாளர் குமுதினி நன்றியுரையாற்றினார்.
0 comments :
Post a Comment