கோறளைப்பற்று மத்தி வாழைச்சேனை பிரதேச செயலகப் பிரிவுக்குட்பட்ட செம்மண்ணோடை குபா ஜும்ஆப் பள்ளிவாசல் நிர்வாகத்தின் ஏற்பாட்டில் புனித நோன்புப் பெருநாள் தொழுகை இன்று (3) செம்மண்ணோடை அல் ஹம்ரா வித்தியாலய மைதானத்தில் இடம்பெற்றது.
ஆண்கள், பெண்கள், சிறுவர்கள் என ஏராளமானோர் கலந்து கொண்ட இந்த பெருநாள் தொழுகையில் ஒருவருக்கொருவர் கைலாகு கொடுத்து பெருநாள் வாழ்த்துக் கூறி தங்களது அன்பை பரிமாரிக் கொண்டனர்.
நோன்புப் பெருநாள் தொழுகையையும், கொத்பா பிரசங்கத்தையும் வாழைச்சேனை மத்தி பிரதேச செயலக கலாசார உத்தியோகத்தரும், மார்க்க அறிஞருமான அஷ்ஷெய்க் ஏ.எல்.பீர் முகம்மத் காஸிமி நடாத்தியமை குறிப்பிடத்தக்கது.
0 comments :
Post a Comment