சமகால கொரோனா பயணத்தடை காரணமாக அம்பாறை மாவட்டத்தில் பட்டினி நிலைமைக்குச்சென்ற மக்களுக்கு சமுகசேவையாளரும் காரைதீவு பிரதேசசபைத்தவிசாளருமான கிருஸ்ணபிள்ளை ஜெயசிறில் ஒரு தொகுதி உலருணவுப் பொதிகளை நேற்று வழங்கிவைத்தார்.
ஆலையடிவேம்பு மற்றும் தம்பிலுவில் பிரதேசங ;களில் நலிவுற்ற 100 குடும்பங்களுக்கு ஒருதொகுதி உலருணவு நிவாரணங்களை சுகாதாரநெறிமுறைக்கிணங்க அவர் வழங்கிவைத்தார்.
பயணத்தடையால் நாளாந்த கூலித்தொழிலை இழந்து வாழ்வாதாரத்தை பூரணமாக இழந்து உண்பதற்கு எதுவுமே இல்லாத நிலையிலிருந்த இவர்களை இனங்கண்டு வழங்குவதற்கு அவ்வூர் பிரமுகர்கள் உதவியிருந்தனர்.
அதேபோல் அப் பிரதேசங்களிலுள்ள வலதுகுறைந்தோருக்கும் இத்தகைய உலருணவுப்பொதிகளை தவிசாளர் ஜெயசிறில் தனது உறவுகளின் பங்களிப்புடன் வழங்கிவைத்தார்.
அம்பாறைமாவட்டத்தில் காரைதீவிலிருந்து தேடிவந்து இத்தகையை நெருக்கடியான காலகட்டத்தில் காலத்தில் இத்தகைய உதவியை செய்தமைக்காக தமது நன்றிகளை தெரிவிப்பதாக மக்கள் கூறினர்.
0 comments :
Post a Comment