ஹிஜ்ரி 1442 புனித ஷவ்வால் மாதத்திற்கான தலைப்பிறை பார்க்கும் மாநாடு இன்று மஃரிப் தொழுகைக்குப் பின்னர் கொழும்பு பெரிய பள்ளிவாசல் மாநாட்டு மண்டபத்தில் கொழும்பு பெரிய பள்ளிவாசலின் பிறைக்குழுத் தலைவர் கலீபதுல் குலபா மௌலவி அப்துல் ஹமீத் பஹ்ஜி தலைமையில் இடம் பெற்றது.
இதன்போது நாட்டின் எப்பாகத்திலும் ஷவ்வால் மாத்திற்கான தலைப்பிறை தென்படாத காரணத்தினால் புனித ரமழானை நாளை வியாழக்கிழமை 30 ஆக பூர்த்தி செய்து புனித நோன்புப் பெருநாளை நாளை மறுதினம் வெள்ளிக்கிழமை 14ஆம் திகதி கொண்டாடுமாறு இலங்கை வாழ் முஸ்லிம்களை பிறைக்குழு ஏகமனதாக தீர்மானித்து நாட்டு மக்களுக்கு உத்தியோக பூர்வமாக அறிவித்தது.
இம்மாநாட்டில் பிறைக் குழு உறுப்பினர்கள், அகில இலங்கை ஜமிய்யதுல் உலமா சபையின் அங்கத்தவர்கள், கொழும்பு பெரிய பள்ளிவாசலின் நம்பிக்கையாளர்கள், முஸ்லிம் சமய பண்பாட்டலுவல்கள் திணைக்கள அதிகாரிகள், வளிமண்டவியல் நிலைய அதிகாரிகள், சகல பள்ளிவாசல்கள், தரீக்காக்கள், ஷாவியாக்களின் பிரதிநிதிகள், மேமன் சங்க உறுப்பினர்கள் எனப் பலர் கலந்து கொண்டிருந்தனர்.
0 comments :
Post a Comment