அனுராதபுர மாவட்ட பாராளுமன்ற உறுப்பினர் இஷாக் ரஹுமானின் நிதியொதுக்கீட்டில் இப்பலோகம பிரதேச செயலகத்திற்கு உட்பட்ட அழகப்பெறுமாகம அ/அழகப்பெறுமாகம முஸ்லிம் வித்தியாலயத்தில் வகுப்பறை கட்டிடம் ஒன்றை நிர்மாணிப்பதற்கான அடிக்கல் பாராளுமன்ற உறுப்பினர் இஷாக் ரஹுமான் அவர்களினால் நடப்பட்டது.
பாடசாலை அதிபர் எம்.ரஷீட் தலைமையில் நடைபெற்ற இந்நிகழ்வில் இப்பலோகம பிரதேச சபை உறுப்பினர் நளீம், பாடசாலை அபிவிருத்தி சங்க உறுப்பினர்கள், பழைய மாணவர்கள் மற்றும் ஊர்மக்கள் பலரும் கலந்துகொண்டனர்.
இந் நிகழ்வின் போது குறித்த பாடசாலையில் பாராளுமன்ற உறுப்பினர் இஷாக் ரஹுமானின் நிதியொதுக்கீட்டில் அமைக்கப்பட்டு முடிவடைந்த நிலையில் காணப்பட்ட சுற்று மதிலும் உத்தியோகபூர்வமாக பாடசாலைக்கு கையளிக்கப்பட்டது.
