தமிழ்த் தேசியக் கூட்டமைப்பில் அங்கம் வகிக்கும் கட்சிகளின் பிரதிநிதிகள் நேற்று (29) மாலை கொழும்பில் சந்தித்து கலந்துரையாடிய போதே இந்த தீர்மானம் எட்டப்பட்டுள்ளது.
13ஆவது அரசியலமைப்பு திருத்தம் தொடர்பில் அரசாங்கம் நியமித்துள்ள பாராளுமன்ற தெரிவிக்குழுவில் அங்கம் வகிக்கப் போவதில்லை என தமிழ்த் தேசியக் கூட்டமைப்பு இந்த கூட்டத்தின்போது உத்தியோகபூர்வமாக அறிவித்துள்ளது.
எனினும் நேற்றைய கூட்டத்தில் நேரமின்மை காரணமாக குறித்த அறிக்கை வெளியிடப்படவில்லை என்றும் அவ்வறிக்கையை விரைவில் வெளியிடுவதற்கு எண்ணியுள்ளதாகவும் கூட்டமைப்பு தெரிவித்துள்ளது.
தமிழரசுக் கட்சி சார்பில் அதன் தலைவர் இரா.சம்பந்தன், சுமந்திரன், ஈ.பி.ஆர்.எல்.எவ் சார்பில் செயலாளர் நாயகம் சுரேஸ் பிரேமச்சந்திரன், சர்வேஸ்வரன், ரெலோ சார்பில் சிறீகாந்தா, ஹென்ரி மகேந்திரன், பிரசன்னா, புளொட் சார்பில் அதன் தலைவர் த.சித்தார்த்தன் மற்றும் பத்மநாதன் ஆகியோரும் இக் கூட்டத்தில் பங்கேற்றிருந்தனர்.
இதன்போது 13ஆவது அரசியலமைப்பு திருத்தம் உள்ளிட்ட விடயங்கள் சம்பந்தமாக விவாதிப்பதற்கென அண்மையில் நியமிக்கப்பட்ட பாராளுமன்றத் தெரிவுக்குழு தொடர்பில் விரிவாக ஆராயப்பட்டுள்ளது.
இதேவேளை வட மாகாணசபைத் தேர்தல் தொடர்பில் அடுத்தவாரம் கூடிப் பேசுவதென்றும் நேற்றைய கூட்டத்தில் தீர்மானிக்கப்பட்டுள்ளது.
0 comments :
Post a Comment