சமூக செயற்பாட்டாளர் எஸார் மீராசாஹிப் ஏற்பாட்டில் நடைபெற்ற இந்நிகழ்வில் காரைதீவு பிரதேச சபை உறுப்பினர் கௌரவ பர்ஹான் மொஹமட், பொறியியலாளர்கள், பாடசாலை அதிபர்கள், ஆசிரியர்கள், சமூக நலன் விரும்பிகள் உள்ளிட்ட பலர் கலந்துகொண்டு, பிரதேச அபிவிருத்தியை விரைவாக முன்னெடுக்க வேண்டிய நடவடிக்கைகள் மற்றும் கருத்துக்களை பரிமாறினர். கலந்துரையாடல் நேரத்தில் பங்கேற்பாளர்கள் தங்களது அனுபவங்கள் மற்றும் பரிந்துரைகளை பகிர்ந்தனர்.
கலந்துரையாடலின் முக்கிய முடிவுகளில் ஒன்று, பிரதேச அபிவிருத்தி தொடர்பான ஆலோசனைகளை ஒருங்கிணைத்து, விரைவில் கட்சி உறுப்பினர்கள், தொண்டர்கள் புத்திஜீவிகள், துறைசார் வல்லுனர்கள், தொழிலதிபர்கள், ஆர்வலர்கள் மற்றும் நலன்விரும்பிகள் ஆகியோரின் பங்களிப்புடன் ஒரு மகாசபையை அமைக்க வேண்டும் எனத் தீர்மானிக்கப்பட்டது. இந்த மகாசபை மூலம் பிரதேச அபிவிருத்திக்கான திட்டங்கள் மற்றும் நடவடிக்கைகள் ஒருங்கிணைந்த முறையில் செயல்படுத்தப்படும்.
கூட்டத்தின் முடிவில், கௌரவ அபூ ஆதம்பாவா அனைவருக்கும் நன்றி தெரிவித்தார் மற்றும் பிரதேச அபிவிருத்தி முன்னேற்றம் குறித்து அனைத்து பங்கேற்பாளர்களும் இணைந்து செயல்படுவதை உறுதி செய்தனர். அவரின் தலைமையில், பொதுமக்களின் ஆதரவு மற்றும் வல்லுனர்கள் பங்களிப்பு மூலம் பிரதேச அபிவிருத்தியில் முக்கிய முன்னேற்றங்களை காண்பது என எதிர்பார்க்கப்படுகிறது.
0 comments :
Post a Comment