சிரேஷ்ட ஆசிரியை எம்.எம்.ஏ. ஜானுபா தனது ஆசிரியர் சேவையினை 1990ம் ஆண்டு ஆரம்பித்ததில் இருந்து கல்முனை மஹ்மூத் மகளிர் கல்லூரிக்கு சுமார் மூன்று தசாப்தமாக (30 ஆண்டுகள்) சேவையாற்றியதுடன் 2008ம் ஆண்டு காலப் பகுதியில் மருதமுனை ஸம்ஸ் மத்திய கல்லூரியிலும் தனது ஆசிரியர் சேவையினை மேற்கொண்டுள்ளார்.
ஒய்வு பெற்ற சிரேஷ்ட ஆசிரியை எம்.எம்.ஏ. ஜானுபா கல்முனை மஹ்மூத் மகளிர் கல்லூரி பழைய மாணவியாக, சங்கீத இஸ்லாம் பாட ஆசிரியையாக, தேசிய கீதம், கல்லூரி கீதம், கலை இலக்கியம், பாடல்கள் குழு, இசைக்குழு, இணைப்பாடவிதான செயற்பாடுகள், பகுதித்தலைவி, விளையாட்டு குழு போன்ற செயற்பாடுகளில் கல்லூரியின் வளர்ச்சி, அபிவிருத்தியில் தன்னுடைய முழுமையான அற்பணிப்புடன் சேவையாற்றியுள்ளார்.
நிகழ்வில் அதிபர், பிரதி உதவி அதிபர்கள், பகுதித் தலைவர்கள், ஆசிரியர்கள் எம்.எம்.ஏ. ஜானுபா ஆசிரியை பற்றிய நினைவு உரை, கவிதைகள், கடந்து வந்த நினைவலைகள் என்பனவற்றை சபையினர் மத்தியில் பகிர்ந்து கொண்டனர்.
ஆசிரியர் நலன்புரி சங்கத்தின் ஏற்பாட்டில் நடை பெற்ற சேவை நலன் பாராட்டு விழாவினை சங்க தலைவா் அலியாா் றிபான், நிருவாக உறுப்பினர் முஸ்தபா ஹக்கீம் ஆகியோர் நிகழ்ச்சிகளை தொகுத்து வழங்கினர். சிரேஷ்ட ஆசிரியை எம்.எம்.ஏ. ஜானுபா ஆசிரியையின் மூன்று தசாப்த சேவையினை பாராட்டி கல்லூரி சார்பான நினைவு பரிசினை கல்லூரியின் முதல்வர் யூ.எல்.எம். அமீனால் வழங்கி வைக்கப்பட்டது.
தரம் 06 தொடக்கம் 13 வரையான பகுதித்தலைவர்கள் அதனுடன் தொடர்பான ஆசிரியர்கள் நினைவு பரிசில்கள் மற்றும் பொன்னாடை போற்றி தமது உளப்பூர்வமான கெளரவத்தை வழங்கினர்.
இந்நிகழ்வில் பிரதி அதிபர்களான ஹாஜியானி எஸ்.எஸ்.எம். மசூது லெவ்வை, ஆர்.எம். அஸ்மி காரியப்பர், உதவி அதிபர்களான ஏ.எச். நதீரா, எம்.எஸ். மனுனா, என்.டி. நதீகா, பகுதித் தலைவர்கள், ஆசிரியர்கள், அபிவிருத்தி உத்தியோகத்தர்கள் மற்றும் கல்விசார ஊழியார்கள் கலந்து கொண்டு சிறப்பித்தனர்.
ஊடக பிரிவு
மஹ்மூத் மகளிர் கல்லூரி,
(தேசிய பாடசாலை) கல்முனை.
0 comments :
Post a Comment