கல்முனை பிரதேச செயலக உதவி திட்டமிடல் பணிப்பாளராக இன்று (2)தனது கடமைகளை எம்.ஜெளபர் பொறுப்பேற்றார்.
கல்முனை பிரதேச செயலகத்தில் பிரதி திட்டமிடல் பணிப்பாளராகப் கடமையாற்றிய கே.இராஜதுறை ஓய்வு பெற்று சென்றதையடுத்து அந்த இடத்திற்கு உதவி திட்டமிடல் பணிப்பாளராக இவர் நியமனம் செய்யப்பட்டுள்ளார்.
இந் நிகழ்வில் சாய்ந்தமருது பிரதேச செயலக கணக்காளர் ஏ.எல்.எம் நஜிமுத்தீன், கல்முனை பிரதேச செயலக தலைமை பீட சமூர்த்தி முகாமையாளர் ஏ.சி. நஜீம், சாய்ந்தமருது பிரதேச செயலக பிரதம முகாமைத்துவ சேவை உத்தியோகத்தர் எம்.ரசீட், ஏ.சீ.எம் பழீல் கிராம நிர்வாக உத்தியோகத்தர் ஏ.எல்.ஜெளபர்,நிதி உதவியாளர் எம்.முஹம்மட், அபிவிருத்தி உதவியாளர் எம்.ஜெமீல் உட்பட பலர் கலந்து கொண்டனர்.
இவர் சாய்ந்தமருது, காரைதீவு,நிந்தவூர் போன்ற பிரதேச செயலகங்களில் உதவி திட்டமிடல் பணிப்பாளராக கடமையாற்றியவர் என்பதும் குறிப்பிடத்தக்கது.