அட்டாளைச்சேனை அரசினர் ஆசிரியர் கலாசாலையில் கடந்த 1995/96 கல்வியாண்டில்
இருவருட பயிற்சி பெற்ற ஆசிரியர்களினால், புதிய கலாசாலை பெயர்ப்பலகை ஒன்று (30)
அன்பளிப்புச் செய்யப்பட்டது.
அட்டாளைச்சேனை அரசினர் ஆசிரியர் கலாசாலையில் நடைபெற்ற நிகழ்வில், கடந்த
1995/96 கல்வியாண்டில் இருவருட பயிற்சி பெற்ற ஆசிரியர்களின் சார்பில்
அதன் தலைவர் சிரேஷ்ட ஆசிரியர் எம்.எம்.தாஜூடீன் தலைமையிலான நிர்வாகிகள்;,
புதிய பெயர்ப்பலகையை அட்டாளைச்சேனை அரசினர் ஆசிரியர் கலாசாலை அதிபர்
ஏ.முகம்மது பைசாலிடம் கையளித்தனர்.
இந்நிகழ்வில், 1995/96 கல்வியாண்டு பயிற்சி ஆசிரியர்களின் செயலாளர்
சிரேஷ்ட ஆசிரியர் எம்.எஸ்.எம்.மொஹிடீன் மற்றும் ஏனைய நிர்வாகிகளான,
சிரேஷ்ட ஆசிரியர்கள் என்.ரி.முபாறக், ஏ.எல்.ஹாமிம், எம்.எச்.எம்.கியாஸ்,
கலாசாலை விடுதி அத்தியட்சகர் எம்.ஐ.இபாஸ் நபுக்கான் ஆகியோர் கலந்து
கொண்டனர்.
அட்டாளைச்சேனை அரசினர் ஆசிரியர் கலாசாலையில் கடந்த 1995/96 கல்வியாண்டில்
இருவருட பயிற்சி பெற்ற ஆசிரியர்களின் ஒன்றுகூடல் நிகழ்வு, அட்டாளைச்சேனை
அரசினர் ஆசிரியர் கலாசாலையில் அண்மையில் நடைபெற்றது. இந்நிழ்வைத்
தொடர்ந்து, கலாசாலையின் பெயர்ப்பலகை அன்பளிப்புச் செய்யப்பட்டுள்ளமை
குறிப்பிடத்தக்கது.
குறித்த 1995/96 கல்வியாண்டில் இருவருட பயிற்சிபெற்ற ஆசிரியர்கள்,
நன்றியுணர்வுடன் கலாசாலைக்கு அழகிய பெயர்ப்பலகை அன்பளிப்புச்
செய்தமைக்காக, அட்டாளைச்சேனை அரசினர் ஆசிரியர் கலாசாலை அதிபர் ஏ.முகம்மது
பைசால் நன்றி தெரிவித்தார்.
