கிண்ணியா நகர சபையினால் அபிவிருத்தியை இலக்காக கொண்ட வேலை திட்டத்திற்காமைவாக கௌரவ உறுப்பினர்களுக்கு ரூபா இரண்டு இலட்சம் (200,000/-) ஒதுக்கப்பட்டட்டுள்ளது.
இவ் அபிவிருத்திக்கான நிதி ஒதுக்கீட்டில் நல்லாட்சிக்கான தேசிய முன்னனி கட்சியை பிரதிநிதுத்துவப்படுத்தும் உறுப்பினர் உமர் அலி ரணீஸ் அவர்களால் பெரியாற்றுமுனை வட்டாரத்தில் பெரியாற்றுமுனை, எகுதார் நகர், பெரியகிண்ணியா ஆகிய பிரதேசங்களை உள்ளடக்கியதாக தனக்கு கிடைத்த 200,000/- ரூபாய் நிதி ஒதுக்கீட்டில் வட்டாரத்திலுள்ள இருளாக காணப்படும் இடங்களுக்கு LED மின் விளக்குகள் பொருத்துவதற்கு 100,000/- ரூபாவையும், எகுதர் நகரில் உள்ள றொக்ஸ் மைதானத்திற்காக அப்பிரதேச இளைஞர்கள், பொதுமக்களின் நலன் கருதி கிரவல் இடுவதற்கு 100,000/- ரூபாவையும் தமது இவ்வாண்டுக்கான(2019) அபிவிருத்தி நிதி ஒதுக்கீட்டை செய்துள்ளார்.
இவரின் தேர்தல் வாக்குறுதிகளில் இரண்டாவதாக மேற்குறிப்பிடப்பட்ட வேலைத்திட்டம் நடைமுறைப்படுத்தப்படுகிறது.
என்பதுடன் சபை மூலம் கிடைக்கும் சம்பளம் முழுவதையும் தமது வட்டார ஏழை மக்களுக்கு பகிர்ந்தளித்து தனது முதலாவது தேர்தல் வாக்குறுதியை நிறைவேற்றினார் என்பது குறிப்பிடத்தக்கது.
