நுவரெலியா மாவட்ட உள்ளுராட்சி மன்றங்களில் மக்கள் விடுதலை முன்னணி வலப்பனை, ஹங்குராங்கெத்த, நுவரெலியா, கொத்மலை, நோர்வூட், மஸ்கெலியா, அம்பகமுவ, அக்கரப்பத்தனை, கொட்டகலை ஆகிய பிரதேச சபைகளிலும், அட்டன் டிக்கோயா நகர சபையிலும் போட்டியிடுவதற்கான வேட்புமனுக்களை 20.12.2017 அன்று நுவரெலியா பிரதேச செயலகத்தில் அமைக்கப்பட்டுள்ள தெரிவத்தாட்சி காரியலாயத்தில் கையளித்தது.
மக்கள் விடுதலை முன்னணியின் நுவரெலியா மாவட்ட பிரதான அமைப்பாளரும், ஜே.வி.பியின் ஆசிரியர் சங்க செயலாளருமான மஞ்சுள சுரவிர தலைமையில் மாவட்ட தெரிவத்தாட்சி அதிகாரியும், மாவட்ட செயலாளருமான ஆர்.எம்.பி.புஸ்பகுமாரவிடம் வேட்பு மனுக்களை கையளித்தார்.
அதேவேளை நுவரெலியா மாவட்ட உள்ளுராட்சி மன்றங்களில் ஐக்கிய தேசிய கட்சியில் நோர்வூட், மஸ்கெலியா, அம்பகமுவ ஆகிய பிரதேச சபைகளிலும், அட்டன் டிக்கோயா நகர சபையிலும் போட்டியிடுவதற்கான வேட்புமனுக்களை20.12.2017 அன்று நுவரெலியா பிரதேச செயலகத்தில் அமைக்கப்பட்டுள்ள தெரிவத்தாட்சி காரியலாயத்தில் கையளித்தது.
ஐக்கிய தேசிய கட்சியின் நுவரெலியா மாவட்ட பாராளுமன்ற உறுப்பினரான கே.கே.பியதாஸ தலைமையில் மாவட்ட தெரிவத்தாட்சி அதிகாரியும், மாவட்ட செயலாளருமான ஆர்.எம்.பி.புஸ்பகுமாரவிடம் வேட்பு மனுக்களை கையளித்தார்.
