அப்துல்சலாம் யாசீம்-
திருகோணமலை கோமரங்கடவெல பொது சுகாதார பரிசோதகர்களின் சுற்றிவளைப்பின் போது, ரொட்டவெவ பகுதியில் மாட்டிறைச்சியை குளிர்சாதன பெட்டிக்குள் லேபல் இன்றி வைத்திருந்த குற்றச்சாட்டிற்காக 6000/= ஆறாயிரம் ரூபாய் தண்டம் செலுத்துமாறு இன்று (21) திருகோணமலை நீதிமன்ற பதில் நீதவான் சுபாசினி சித்ரவேல் உத்தரவிட்டார்.
இவ்வாறு தண்டம் அறவிடப்பட்டவர் திருகோணமலை.ரொட்டவெவ பகுதியைச்சேர்ந்த மதார் சாஹிபூ அப்துல்சலாம் (65 வயது) எனவும் தெரியவருகின்றது.
இதேவேளை ஹோட்டலொன்றின் குளிர்பெட்டிக்குள் மீனுடன் இடியப்பம் மற்றும் ரொட்டிகள் வைத்திருந்த அதே இடத்தைச்சேர்ந்த ஹோட்டல் உரிமையாளரான எம்.எப்.நியாஸ் என்பவருக்கு 5000/= ரூபாய் தண்டம் செலுத்துமாறும் காலாவதியான குளிர்பானத்தை வைத்திருந்த மஹதிவுல்வெவ பகுதியைச்சேர்ந்த சிசிற குமார என்பவருக்கு 10000/= ரூபாய் செலுத்துமாறும் நீதவான் உத்தரவிட்டார்.
அத்துடன் மாசிக்குள் புளு காணப்பட்மை காலாவதியான பவுடரை விற்பளைக்காக வைத்திருந்த குற்றச்சாட்டின் பேரில் மஹதிவுல்வெவ பகுதியைச்சேர்ந்த எம்.விஜயரத்ன என்பவருக்கு 15000/= ரூபாய் தண்டம் செலுத்துமாறும் ரொட்டவெவ பகுதியில் சின்ன சீரகத்திற்குள் புளு காணப்பட்டமைக்காக 10000/= ரூபாய் தண்டம் செலுத்துமாறும்
காலாவதியான சோயா மீட் மற்றும் வெட்டுத்தூள் பக்கெட்டுக்களை விற்பனைக்காக வைத்திருந்த குற்றச்சாட்டிற்காக மஹதிவுல்வெவ சுஜீதா என்பவருக்கு 10000/= தண்டம் செலுத்துமாறும் பதில் நீதவான் சுபாசினி சித்ரவேல் உத்தரவிட்டமையும் குறிப்பிடத்தக்கது.
