பி.எம்.எம்.ஏ.காதர்-
கிழக்கு மாகாண கல்வி பண்பாட்டு அலுவல்கள் அமைச்சினால் நடாத்தப்பட்ட 2015 ஆம் ஆண்டுக்கான தமிழ் இலக்கியப் பெருவிழா போட்டி நிகழ்வில் சிறுவர் பாடலுக்கான விருது கவிஞர் மருதமுனை விஜிலிக்கு கிடைத்துள்ளது.
அரச அலுவலகர்களுக்கான படைப்பாக்கற் போட்டியில் ' வானவில் ரசிப்போம்' எனும் தலைப்பினாலான சிறுவர் பாடல் துறைக்கே இவ்விருது வழங்கப்படுகிறது
திருகோணமலை விவேகானந்தாக் கல்லூரியில் (8) ஞாயிற்றுக்கிழமை இடம்பெறவுள்ள கிழக்குமாகாண தமிழ் இலக்கியப் பெருவிழாவிலேயே இவ்விருது வழங்கி கௌரவிக்கப்படவுள்ளது.
இலங்கை-இந்திய படைப்பாளிகளிடையே யாத்ரா சஞ்சிகை நடத்திய கவிதை போட்டி விருது -பாரதி தமிழோசைக் கழகத்தின் சிறப்பு விருது- கலாசார மரபுரிமை அமைச்சின் தேசிய மட்ட விருதுகள் உள்ளிட்ட பல உயர் விருதுகளை பல தடைவ பெற்ற கவிஞர் விஜிலி 1990 முதல் எழுதி வரும் அதிக கவன ஈர்ப்பைப் பெற்ற கவிஞராவார்
