கல்முனை ஸ்டார் கல்லூரியினால் ஏற்பாடு செய்யப்பட்டிருந்த அறிவால் சமராடும் அறிவுச்சமர் ஜூனியர் சீசன் 2 போட்டித் தொடரின் இறுதிப் போட்டியும் பரிசளிப்பு நிகழ்வும் சாய்ந்தமருது கமு/கமு/அல்-ஹிலால் வித்தியாலய கேட்போர் கூடத்தில் வெகுசிறப்பாக நடைபெற்றது.
இந்நிகழ்வின் பிரதம அதிதியாக கல்முனை வலயக்கல்வி அலுவலக உதவிக்கல்வி பணிப்பாளரும், கல்முனை கோட்டக் கல்விப் பணிப்பாளருமான ஏ.பி. பாத்திமா நஸ்மியா சனூஸ் கலந்து கொண்டார். மேலும் சாய்ந்தமருது கமு/கமு/அல்-ஹிலால் வித்தியாலய அதிபர் யு.எல்.நசார், கமு/கமு/ அஸ்-ஸுஹரா வித்தியாலய அதிபர் எம்.எச்.எஸ்.ஆர். மஜீதியா, அஃபீ இன்டரீயர் டிசைனர்ஸ் நிறுவனத்தின் முகாமைத்துவப் பணிப்பாளர் எஸ்.எச்.எஸ்.கதீர் ஆகியோர் கெளரவ அதிதிகளாக கலந்துகொண்டதுடன் இன்னும் பல சிறப்பு அதிதிகள், ஆசிரியர்கள், பெற்றோர்கள் மற்றும் மாணவர்கள் என பலரும் கலந்து கொண்டனர்.
மாணவர்கள், பெற்றோர்கள் மற்றும் கல்விமான்கள் அனைவரினதும் அபிமானத்தை வென்ற இப்போட்டி நிகழ்ச்சியானது லீக் போட்டி, காலிறுதி, அரையிறுதி மற்றும் இறுதிப்போட்டி என பல சுற்றுக்களாக இடம் பெற்றிருந்தமை குறிப்பிடத்தக்கது. அறிவுச்சமர் ஜூனியர் சீசன் 2 போட்டித் தொடரின் இறுதிப் போட்டியில் மோதிய ப்ளாக் பெண்தேர்ஸ் (Black Panthers) அணியை எதிர்த்து ஆடிய ப்ரைனி பெட்ஜெர்ஸ் (Brainy Badgers) அணியினர் வெற்றிபெற்று இந்த அறிவுச்சமர் ஜூனியர் சீசன் 2 போட்டித் தொடரின் வெற்றிக்கிண்ணத்தை சுவிகரித்தனர்.
.jpg)
0 comments :
Post a Comment