சாய்ந்தமருது கிரிக்கட் சம்மேளனம் ஒழுங்கு செய்து நடாத்திக் கொண்டிருக்கும் 15 ஓவர்கள் மட்டுப்படுத்தப்பட்ட கடின பந்து கிறிக்கட் சுற்றுப் போட்டியின் இறுதிப் போட்டியும் பரிசளிப்பு விழாவும் நேற்று ( 17 ) சாய்ந்தமருது பொலிவேரியன் விளையாட்டு மைதானத்தில் இடம்பெற்றது.
கிழக்கு மாகாணத்தின் பல பகுதிகளையும் சேர்ந்த 32 விளையாட்டுக் கழகங்கள் பங்கேற்ற மேற்படி சுற்றுப் போட்டி கடந்த 6 மாத காலமாக இடம்பெற்று வந்த இந்த சுற்றுப் போட்டியின் இறுதிப் போட்டி சாய்ந்தமருது பிளாஸ்டர் விளையாட்டுக் கழகத்திற்கும் சம்மாந்துறை விளையாட்டுக் கழகத்திற்கும் இடையில் இடம்பெற்றது..
நாணய சுழற்சியில் வெற்றி பெற்ற சம்மாந்துறை விளையாட்டுக் கழகம் முதலில் துடுப்பெடுத்தாட்டத்தில் ஈடுபட்டது.
முதலில் துடுப்பெடுத்தாடிய சம்மாந்துறை விளையாட்டுக் கழகம் 15 ஓவர்களில் 3 விக்கட்டுக்களை இழந்து 151 ஓட்டங்களைப் பெற்றது.
பதிலுக்கு துடுப்பாடிய சாய்ந்தமருது பிளாஸ்டர் விளையாட்டு கழகம் ,15 ஓவர்களில் 5 விக்கட்டுக்களை இழந்து 120 ஓட்டங்களைப் பெற்று தோல்வியினை தழுவிக் கொண்டது.
சாய்ந்தமருது கிரிக்கட் சம்மேளனத்தின் தவிசாளர் ஹக்கீம் சரிப் தலைமையிலும் தலைவர் ரீ.கே.எம்.ஜலீல் மற்றும் செயலாளர் இல்யாஸ் அஸீஸ் ஆகியோரின் நெறிப்படுத்தலிலும் இடம்பெற்ற மேற்படி நிகழ்விற்கு ஸ்ரீலங்கா பொதுஜன பெரமுன கட்சியின் கல்முனை தொகுதி அமைப்பாளர் றிஸ்லி முஸ்தபா பிரதம அதிதியாகவும் , , கல்முனை மாநகரசபை பிரதி மேயர் றஹ்மத் மன்சூர் , டாக்டர் ஜெமீல் ஞாபகார்த்த வைத்தியசாலை நிர்வாக வைத்தியர் ஏ.எம்.முனீர் , டவுன் ரெவல்ஸ் முகாமைத்து பணிப்பாளர் ஏ.ஜே .எம்.ஜலீல் , அல் அமானா நிறுவன பணிப்பாளர் ஏ.எல்.எம்.பரீட் , றபீக் கென்ஸ்ரெக்ஸன் பணிப்பாளர் யு.எல்.றபீக் , டெலிகொம் பொறியியலாளர் எஸ்.எம்.ஹலீம் , சமீம்ஸ் லங்கா பணிப்பாளர் ஏ.எம்.சமீம் ஆகியோர் கௌரவ அதிதிகளாகவும் , அம்பாறை மாவட்ட கிறிக்கட் கட்டுப்பாட்டு சபை செயலாளர் சிதத் லியனாராய்ச்சி ஓய்வுபெற்ற மக்கள் வங்கி முகாமையாளர் எம்.எஸ்.எம்.மஸுட் , சுற்றுப்போட்டி தவிசாளர் ஏ.எம்.நளீம் , சொர்ணம் நகை மாளிகை பிரதிநிதி அஹமட் லெவ்வை , ஆகியோர் விசேட அதிதிகளாகவும் கலந்து கொண்டனர்.
இறுதிப் போட்டியில் வெற்றிபெற்ற சம்மாந்துறை விளையாட்டுக் கழகத்திற்கு 25,000 ரூபா பணப்பரிசும் , சம்பியன் கிண்ணமும் , 2வது இடம்பெற்ற சாய்ந்தமருது பிளாஸ்டர் விளையாட்டுக் கழகத்திற்கு 15,000 ரூபா பணப்பரிசும் வழங்கப்பட்டன.
இப்போட்டியில் ஆட்டநாயகனாக சம்மாந்துறை விளையாட்டுக்கழகத்தைச் சேர்ந்த எச்.ஆர்.எம்.இஸ்மத் தெரிவு செய்யப்பட்டார்.
0 comments :
Post a Comment