ஹஸ்பர் ஏ ஹலீம்-
உலகெங்கும் நேற்று(13) இந்துக்களால் கொண்டாடப்படும் மகாசிவராத்திரி விழாவினையடுத்து திருகோணமலையில் பிரசித்தி பெற்ற திருக்கோனேஸ்வரா ஆலயத்திலும் விசேடமான பூஜைகள் இடம் பெற்றன. இதில் கிழக்கு மாகாண ஆளுனர் ரோஹிதபோகொல்லாகம மற்றும் ஆளுனரின் பாரியார் தீப்தி போகொல்லாகம உட்பட கிழக்கு மாகாண அரச திணைக்கள உயரதிகாரிகள் எனப் பலரும் பங்கு கொண்டு விசேட பூஜையில் கலந்து கொண்டார்கள்.
இதன் போது மகா சிவராத்திரியை முன்னிட்டு பாடசாலை மாணவ மாணவிகளுக்கிடையே நடாத்தப்பட்ட கட்டுரை பேச்சுப் போட்டிகளில் வெற்றியீட்டிய மாணவ மாணவிகளுக்கான பரிசில்களும் வழங்கப்பட்டன இப் பரிசில்களை கிழக்கு மாகாண ஆளுனர் ரோஹிதபோகொல்லாகம மற்றும் அவரது பாரியார் தீப்தி போகொல்லாகம போன்றோர்கள் வழங்கி வைத்தனர்.
