மலைநாட்டு புதிய கிராமங்கள், உட்கட்டமைப்பு வசதிகள் மற்றும் சமூக அபிவிருத்தி அமைச்சர் பி. திகாம்பரத்தின் பணிப்புரையின் பேரில் பூண்டுலோயா சீன் தோட்டம் கீழ்ப்பிரிவில் இயற்கை அனர்த்தத்தால் பாதிக்கப்பட்ட குடும்பங்களுக்கு அமைக்கப்பட்டுள்ள 18j தனி வீடுகளைக் கொண்ட ’கந்தசாமி புரம்” கிராமத்தை பயனாளிகளுக்கு கையளிக்கும் நிகழ்வு கொத்மலை பிரதேச சபை முன்னாள் உறுப்பினர்கள் சிவகுமார், பிரசாந்த் ஆகியோர் தலைமையில் நேற்று இடம்பெற்றது.
இந் நிகழ்வில் நுவரெலியா மாவட்டப் பாராளுமன்ற எம். திலகராஜ், மத்திய மாகாண சபை உறுப்பினர்கள் சோ. ஸ்ரீதரன், சிங். பொன்னையா, சரஸ்வதி சிவகுரு, ட்ரஸ்ட் நிறுவனத் தலைவர் வீ. புத்திரசிகாமணி, பணிப்பாளர் நாயகம் லால் பெரேரா, தொழிலாளர் தேசிய சங்கத்தின் பொதுச் செயலாளர் எஸ். பிலிப் உட்பட பலர் கலந்து கொண்டு பெயர்ப்பலகையை திரை நீக்கம் செய்து வீடுகளைத் திறந்து வைப்பதையும், மேற்படி புதிய வீடுகள் அனைத்துக்கும் “நற்குண முன்னேற்ற அமைப்பின்” சார்பில் எட்வின் ரத்னம் தலைமையில் தொலைக்காட்சிப் பெட்டிகள், குளிர்சாதனப் பெட்டிகள், நாற்காலிகள் வழங்கப்படுவதையும் படங்களில் காணலாம்.
படப்பிடிப்பு: பானா. தங்கம்
