சலீம் றமீஸ்-
தென்கிழக்குப் பல்கலைக்கழக உபவேந்தர் பேராசிரியர் எம்.எம்.எம்.நாஜீம் அவர்களது வழிகாட்டலில் பல்கலைக்கழக தொழிநுட்பவியல் பீடத்தின் ஏற்பாட்டில் 'விவசாயிகளின் பொருளாதாரத்தை மேம்படுத்தல்' எனும் தொனியில் இலவசமாக ஒரு நாள் பயிற்சிப் பட்டறை நடாத்தப்படவுள்ளதாக பயிற்சிப் பட்டறையின் இணைப்பாளரும், விரிவுரையாளருமான கலாநிதி ஏ.என்.எம்.முபாறக் தெரிவித்தார்.
இந்தப் பயிற்சிப் பட்டறை ஹேலீஸ் நிறுவனத்தின் அனுசரனையில் முதற்கட்டமாக அட்டாளைச்சேனை, நிந்தவூர் ஆகிய பிரதேச செயலாளர் பிரிவுலுள்ள விவசாயிகள், விவசாய குழுக்களின் பிரதிநிதிகள் உட்பட அரச மற்றும் தனியார் நிறுவனங்களில் பணியாற்றி வரும் விவசாய பணிப்பாளர்கள், விவசாய போதனாசிரியர்கள், விவசாய தொழில் நுட்ப உத்தியோகத்தர்கள் மற்றும் தொழில் நுட்ப உதவியாளர்கள் கலந்து கொள்ளவுள்ளனர்.
இப் பயிற்சிப் பட்டறையானது எதிர் வரும் 2017.03.30 ஆம் திகதி ஒலுவில் மகாபொல பயிற்சி நிலையத்தில் அமைந்துள்ள பல்கலைக்கழக தொழில் நுட்பவியல் பீடத்தின் கேட்போர் கூடத்தில் நடைபெறவுள்ளதுடன், இப் பயிற்சிப் பட்டறையில் குறிப்பிட்ட தொகையினரே இணைத்துக் கொள்ளப்படவுள்ளதால் இதில் கலந்து கொள்ள விரும்பும் விவசாயிகள், விவசாய குழுக்களின் பிரதிநிதிகள், விவசாய உத்தியோகத்தர்கள் தங்களது பெயர்களை முன் கூட்டியே பதிவு செய்து கொள்ளுமாறும் இணைப்பாளர் கலாநிதி முபாறக் குறிப்பிட்டார்.
இந்த நிகழ்வில் பல்கலைக்கழக உபவேந்தர் பேராசிரியர் எம்.எம்.எம்.நாஜீம், தொழில் நுட்பவியல் பீடத்தின் பீடாதிபதி கலாநிதி எம்.ஜீ.முகம்மட் தாரீக் மற்றும் விரிவுரையாளர்கள் உட்பட ஹேலீஸ் நிறுவனத்தின் உயரதிகாரிகள், வளவாளர்கள் கலந்து கொள்ளவுள்ளனர்.
தொடர்புகளுக்கு :
கலாநிதி ஏ.என்.எம். முபாறக்
(விரிவுரையாளர்,தொழில் நுட்பவியல் பீடம்)
பயிற்சி பட்டறைக்கான இணைப்பாளர் - 0710588178
அல்லது
கலாநிதி யூ.எல்.ஏ.மஜீட்
சிரேஷ்ட விரிவுரையாளர், - 0773121350
தொழில் நுட்பவியல் பீடம்.
