.jpg)
எம்.வை.அமீர்,எம்.ஐ.சம்சுதீன்,எஸ்.எம்.எம்.ரம்ஸான்-
கடந்த 2004ம் ஆண்டு இடம்பெற்ற சுனாமி கடல்பேரலைகள் காரணமாக நிர்மூலமாக்க்கப்பட்டு அகற்றப்படாமல் குவிந்து கிடக்கும் கட்டிட இடிபாடுகள் மற்றும் கழிவுகளை அகற்றி சாய்ந்தமருது பிரதேசத்தின் கடற்கரை ஓரங்களை அழகுபடுத்தும் திட்டம் தொடர்பாக, கல்முனை மாநகரசபையின் முன்னாள் பிரதிமுதல்வரும் தற்போதைய உறுப்பினருமான ஏ.ஏ.பஷீர் அவர்கள் எடுத்துக்கொண்ட முயற்சியின் பயனாக, கரையோரம் பேணல் மற்றும் கரையோர மூலவள முகாமைத்துவ திணைக்களத்தின் அம்பாறை மாவட்ட இணைப்பாளர் எம்.ஐ.எம்.ஜசூர் அவர்களின் வழிகாட்டுதலின் கீழ் சாய்ந்தமருதைச் சேர்ந்த தனவந்தர் ஒருவரின் அனுசரணையுடன், இன்று (2014-07-31) காலை சாய்ந்தமருது கடற்கரை வீதியில் புதிதாக நிர்மாணிக்கப்பட்டுள்ள மஸ்ஜிதுல் கூபா பள்ளிவாசலுக்கு அருகில் இருந்து கட்டிட இடிபாடுகள் மற்றும் கழிவுகளை அகற்றும் வேலைகள் ஆரம்பித்து வைக்கப்பட்டன.
இந்நிகழ்வுக்கு மாநகரசபையின் முன்னாள் பிரதிமுதல்வரும் தற்போதைய உறுப்பினருமான ஏ.ஏ.பஷீர் அவர்களும் கரையோரம் பேணல் மற்றும் கரையோர மூலவள முகாமைத்துவ திணைக்களத்தின் அம்பாறை மாவட்ட இணைப்பாளர் எம்.ஐ.எம்.ஜசூர் அவர்களும் கலந்து வேலைகளை ஆரம்பித்து வைத்தனர். இவர்களுடன் கிழக்கு மாகாண முதலமைச்சரின் இணைப்பாளர் எம்.எம்.எம்.றபீக் அவர்களும் கலந்து கொண்டார்.
குறித்த கட்டிட இடிபாடுகள் மற்றும் கழிவுகள் காரணமாக மீனவர்கள் மிகுந்த அசௌகரியங்களை அனுபவித்து வந்தனர். அத்துடன் கட்டிட இடிபாடுகளுக்கு மேலாக பிரதேசவாசிகளால் கழிவுகளும் வீசப்பட்டு வருவதால் கடற்கரையின் அழகு அலங்கோலப்பட்டு கிடந்ததும் குறுப்பிடத்தக்கது.
.jpg)
.jpg)
.jpg)
.jpg)
.jpg)
0 comments :
Post a Comment