கொழும்பு 5 இல் இசிப்பத்தான கல்லூரி ரக்பி சமருக்கு வலுவான அனுசரணை – ‘பச்சை இயந்திரம்’ மீண்டும் களத்தில்

Isipathana College கல்லூரியின் 2026ஆம் ஆண்டிற்கான ரக்பி பருவத்தைக் குறிவைத்து, வில்மார்ட், டயலொக், MAS, KFC உள்ளிட்ட 14 முன்னணி நிறுவனங்கள் அனுசரணை வழங்குகின்றன. இவ்வாண்டு ரக்பி போட்டிகள் மார்ச் மாதம் தொடங்கி மே மாதம் வரை ஒவ்வொரு சனிக்கிழமையும் Havelock Park மைதானத்தில் நடைபெற்று வருகின்றன.

18 பாடசாலைகள் கலந்து கொள்ளும் இப்போட்டிகள் A மற்றும் C என பிரிக்கப்பட்டுள்ளன. A குழுவில் இடம்பெறும் இசிப்பத்தான கல்லூரி அணி, ஏப்ரல் 25ஆம் தேதி சென் அந்தனிஸ் கல்லூரி, மே 2ஆம் தேதி டி.எஸ். சேனாநாயக்க கல்லூரி, மே 10ஆம் தேதி சிறி சுமங்கல கல்லூரி, மேலும் மே 24ஆம் தேதி கண்டி திருத்துவ கல்லூரி அணிகளுடன் மோத உள்ளது.

இந்த ரக்பி பருவத்திற்காக சுமார் 8 கோடி ரூபாய்க்கும் மேல் செலவிடப்பட்டுள்ளதுடன், பழைய மாணவர்கள் சங்கம் மற்றும் ரக்பி பழைய மாணவர் குழுவின் ஒத்துழைப்புடன் உள்நாட்டு மற்றும் சர்வதேச நிறுவனங்கள் ஆதரவு வழங்கியுள்ளன.

2026 பருவத்திற்கான அனுசரணையாளர்கள் பாராட்டு விழாவும், புதிய டி-ஷர்ட் அறிமுகமும், ஊடக சந்திப்பும் Granbell Hotel Colombo இல் ஏப்ரல் 9ஆம் தேதி நடைபெற்றது. இந்நிகழ்வில் ரக்பி பழைய மாணவர் தலைவர் கலும் ரோட்ரிகோ, கல்லூரி அதிபர் எம். தர்சன், அணித்தலைவர் ஷாகிப் ஜும்ரி உள்ளிட்டோர் கலந்து கொண்டு உரையாற்றினர்.

1960ஆம் ஆண்டு தொடங்கிய இசிப்பத்தான கல்லூரி ரக்பி அணி, 1963ஆம் ஆண்டு முதல் முறையாக தேசிய மட்டத்தில் வெற்றி பெற்றது. இதுவரை 14 முறை தேசிய ரக்பி சாம்பியனாகவும், 14 முறை ஜனாதிபதி கோப்பையை வென்ற அணியாகவும் திகழ்கிறது. “Green Machine” என அழைக்கப்படும் இந்த அணி, ஒழுக்கம், உறுதி மற்றும் வெற்றிக் கலாச்சாரத்தின் அடிப்படையில் தொடர்ந்து சாதனைகள் படைத்து வருகிறது.

அணி 6 முறை டிரிபிள் கிரௌன் பட்டங்கள், 18 செவன்ஸ் பட்டங்கள், 14 லீக் மற்றும் 14 நொக்-அவுட் சாம்பியன் பட்டங்களை வென்றுள்ளது. மேலும் 70க்கும் மேற்பட்ட தேசிய வீரர்களை உருவாக்கியுள்ள இந்த கல்லூரி, இலங்கை ரக்பிக்கான முக்கிய ஆதாரமாக விளங்குகிறது.

2026 பருவத்தில் முக்கிய மாற்றமாக, முன்னாள் தேசிய வீரர் சனத் மார்டிஸ் தலைமைப் பயிற்சியாளராக நியமிக்கப்பட்டுள்ளார். அவருடன் ஃபிஜி நாட்டைச் சேர்ந்த முன்னாள் சர்வதேச வீரர் சைமோனி ரோகிணி ஆலோசகராக இணைந்துள்ளார்.

இந்த ஆண்டிற்கான அணியை கேப்டன் ஷாகிப் ஜும்ரி வழிநடத்த, துணை கேப்டன்களாக நிமதா சந்தீபா மற்றும் அப்துல் அஜீஸ் செயற்படுகின்றனர்.

அனுசரணையாளர்களில் முக்கியமாக வில்மார்ட், KFC, Sense.lk ஆகியவை இடம்பெற, MAS, TVS, Maxxon Mesh Industries உள்ளிட்ட நிறுவனங்கள் கூடுதலாக ஆதரவு வழங்குகின்றன.

இசிப்பத்தான கல்லூரி ரக்பி இன்று இலங்கையின் பள்ளி ரக்பி உலகில் “ரக்பியின் ராஜாக்கள்” என அழைக்கப்படும் நிலையைத் தக்க வைத்துள்ளது. அதன் பாரம்பரியம் மற்றும் வெற்றிக் கதை, புதிய தலைமுறையினரையும் விளையாட்டு மற்றும் தலைமைத்துவத்தில் முன்னேறத் தூண்டி வருகிறது.

இந்த செய்தியை நண்பர்களுடன் பகிர்ந்து கொள்ள...

எமது உத்தியோகபூர்வ பேஸ்புக் பக்கம்

importmirror.com

எமது செய்திகளை உடனுக்குடன் பேஸ்புக் மூலம் அறிந்து கொள்ள எமது பேஸ்புக் பக்கத்தை லைக் (like) செய்க!

முக்கிய குறிப்பு :

எமது இணையத்தளத்துக்கு அனுப்பிவைக்கப்படும் ஆக்கங்கள் , செய்திகள் என்பவற்றுக்கு அதனை அனுப்பிவைப்பவர்களே பொறுப்பாளிகள் ஆவர். தவறான அல்லது பிழையான, அவதூறு, பிறர் மனங்களை புண்படுத்தும் செய்திகள் அல்லது தகவல்களுக்கு எமது நிருவாகமோ இணையத்தளமோ பொறுப்பாளியல்ல. இதனைக்கருத்தில் கொண்டு தகவல் தொடர்புகளை மேற்கொள்ளுமாறு வேண்டுகின்றோம்.- நிருவாகம் -