திருகோணமலை-மஹதிவுல்வெவ குளத்துப்பகுதிக்குள் சட்ட விரோதமான முறையில் மணல் அகழ்வில் ஈடுபட்டு வந்த 04 உழவு இயந்திரத்துடன் நான்கு பேரை இன்று (22) பிற்பகல் 3.30மணியளவில் கைது செய்துள்ளனர்.
கெப்பித்திக்கொள்ளாவ விஷேட அதிரடிப்படையினரும் மொறவெவ பிரதேச வனப்பாதுகாப்பு உத்தியோகத்தர்களும் இணைந்து நடாத்திய சுற்றிவளைப்பிலேயே சட்ட விரோத மணல் அகழ்வில் ஈடுபட்டவர்கள் கைது செய்யப்பட்டதாகவும் தெரியவருகின்றது.
அரசாங்கத்தினால் வழங்கப்பட்ட இடத்தை விட்டு விட்டு குளத்துக்கு அருகில் காணப்பட்ட மணல்களை அகழ்ந்து கொண்டிருக்கும் போதே இவர்கள் கைது செய்யப்பட்டதாகவும் வனப்பாதுகாப்பு உத்தியோகத்தர்கள் தெரிவித்தனர்.
04 உழவு இயந்திரத்துடன் நான்கு பேரையும் திருகோணமலை நீதிமன்றத்தில் ஆஜர்படுத்தவுள்ளதாகவும் வனப்பாதுகாப்பு உத்தியோகத்தர்கள் தெரிவித்தனர்.
