வெலிக்கடை சிறைச்சாலையில் கடந்த 2012 ஆம் ஆண்டு நவம்பர் மாதம் 9 ஆம் திகதி இடம்பெற்ற அசம்பாவிதம் தொடர்பில் தகவல்களையும் சாட்சியங்களையும் பெற்றுக்கொள்ளும் நோக்கில் குழுவொன்று நியமிக்கப்பட்டுள்ளது.
நீதி மற்றும் தொழில் உறவுகள் அமைச்சர் விஜேதாச ராஜபக்ஷ இந்த குழுவை நியமித்துள்ளார். இந்த குழுவுக்கு ஓய்வுபெற்ற மேல் நீதிமன்ற நீதிபதி விமல் நம்புவசம தலைமை தாங்குவதுடன் ஏனைய உறுப்பினர்களாக முன்னாள் சிரேஷ்ட பிரதிப் பொலிஸ்மா அதிபர் அசோக விஜயதிலக்க மற்றும் மாகாண சபைகள் உள்ளூராட்சிமன்ற அமைச்சின் முன்னாள் மேலதிக செயலாளர் சட்டத்தரணி எஸ்.கே. லியனகே ஆகியோர் இடம்பெற்றுள்ளனர்.
இந்த சம்பவம் தொடர்பில் தகவல் தெரிந்தவர்கள எழுதது மூலமாகவோ அல்லது 0112697908 மற்றும் 0112699812 என்ற தொலைபேசி இலக்கம் ஊடாகவோ அறிவிக்கலாம். தகவல் வழங்குவர்களின் இரகசியத்தன்மை பாதுகாக்கப்படும்.
கொழும்பு 8, கலாநிதி என். எம். பெரெரா மாவத்தை, 35 ஆம் இலக்கத்தில் அமைந்துள்ள கட்டிடத்தின் நான்காவது மாடியில் இந்த குழுவின் செயலகம் இயங்கிவருகின்றது.
