பொலிஸ் ஊடகப் பேச்சாளர் பிரியந்த ஜயகொடி ஊடகப் பேச்சாளர் பதவியில் இருந்து விலகியுள்ளார்.
தனது பேஸ்புக் பதவில் அவர் இதனைக் குறிப்பிட்டுள்ளார்.
பிரியந்த ஜயகொடியின் உடல் நிலை கரணமாக, பொலிஸ் மா அதிபர் பூஜித் ஜயசுந்தரவின் ஆலோசனையின் படி இந்த பதவியில் இருந்து விலகியுள்ளார்.
இதனையடுத்து புதிய பொலிஸ் ஊடகப் பேச்சாளராக பொலிஸ் அத்தியட்சகர் சட்டத்தரணி ருவான் குணசேகரவை பொலிஸ் மா அதிபர் நியமித்துள்ளார். அத்துடன், தனது கடமையின் போது ஒத்துழைத்த அனைவருக்கும் நன்றிக்கூறுவதாக அவர் கூறியுள்ளார்.
எனினும் பொலிஸ் ஊடக பேச்சாளர் பிரியந்த ஜயக்கொடி, உத்தியோகபூர்வமாக இன்னும் தனது பதவி விலகல் கடிதத்தை கையளிக்கவில்லை என்று தகவல்கள் வெளியாகியிருந்த நிலையில் தற்போது பதவிவிலகல் கடிதத்தை கையளித்துள்ளார் என தகவல் வெளியாகியுள்ளது. இதனையடுத்து புதிய பேச்சாளராக ருவன் குணசேகர நியமிக்கப்பட்டுள்ளதாக பொலிஸ் ஊடகப்பிரிவு தெரிவித்துள்ளது.